【小说连载】一個我認為幾正既~>真人真事既故事~轉貼架*

我同 kk 分開左…我一個人勁驚呀…比個 mk 拉住囉…我唔識架…搞到我跌左係度…真係 xxxx佢囉… 個 mk 冷有風度扶我起身喎…T 即刻衝過泥扶我起身…個 mk 知道我同佢係咩關係就走左開啦…

班女望住哂…好瘀呀…kk 問我有冇事…我話冇…唉…好瘀呀我…T 真係好關心我呀…但係我知道佢對我好一定係有 d 野架…因為我覺得一個男人冇啦啦對你好…一定係做錯事呀,這是直覺掛

有次我夜晚打比 T …有一把女人聲喎…
我 : 喂…
女 : 係…搵邊位呀
我 : (呆一呆 ) 既…T 呀
女 : 你邊位搵佢呀…佢沖緊涼喎
我 : 朋友呀
女 : 佢沖緊涼我叫佢一陣打比你呀
女 : 但佢沖先涼可能好忙唔得閒覆你架喎
我 : 你係佢邊個呀
女 : 我呀…我係佢女朋友囉 ( 好認真呀 )
我 : 哦…咁你地忙完先搵我啦…8

好慶呀…依家咩意思呀…明知佢屋企係唔會出現第2個女人架…點解會有把女人聲呀…佢阿 ma 又唔會成日係佢屋企//…點解會咁呀…佢係唔係又呃我呀…好想知…唔敢去搵個答案…淨係o係度喊…唔識點做

過左一個鐘…我再打左去…應該係唔小心禁到個電話…我聽到一把好淫既女人聲…我估到佢地做緊乜囉…我聽左幾秒後…即收線…我知道佢點解對我咁好啦…明白到呀

原來一直都呃我…

點解一次又一次比佢玩呀,我真係唔知可以點做…次次都係咁,好好玩咩,我真係唔知佢係唔係對我真…究竟有冇鍾意過我呀…係個晚,我諗左好多野…我冇同 kk 講呢件事…我唔識可以點做…佢冇接我返學…

我返到學…見到佢同班女玩…佢望都冇望過我…我直行直過… 佢都冇理到…勁唔開心呀,依家做錯野個果係佢囉…唔係我,我就行到返課室…一粒聲都唔出…冇講過野呀,勁唔開心囉…之後 d 同學見到我咁… 即刻走去搵 T …

我諗係叫 T 勸返我掛…有 d 人就勸我…唔好同佢嘈…我知道發生咩事…錯既係佢唔係我…佢地唔知緊係咁講啦…我同佢地唔同呀,我識諗架…唔通我會誤會咩…之後上堂又掉位同 T 坐…

放學個陣…我好快咁走…唔想面對佢…T 勁大聲叫我…
T : yy ( 好大聲 …我走到好遠 )
我 : 咩呀
T : 你今日做咩呀
我 : 你自己做過咩最清楚啦 (我行左過去 )
T : 我又做錯咩呀
我 : 你講呀…琴晚你做咩泥呀
T : 都係一樣
我 : 咁點解我會聽到 d 女人聲架 ( 好似多叫我地唔好嘈 )
T : 唔明你講乜囉
我 : 個女仔話係你女朋友呀
T : …
我 : 你唔出聲即係係啦
我 : 你應承過我 d 咩架…點解呀…次次都係咁…
我 : 夠啦…我受夠啦…分手

待續

( 其他人叫我地唔好咁衝動…)
我 : 一次又一次咁
T : 咩呀
我 : 之前咁多個…我都一次又一次比機會你
T : 我有去珍惜過
我 : 幾個月囉
T : 唔好咁啦
我 : 我呢次一定唔會再比機會你架啦
我 : 根本一開始你就係玩我架啦
T : 我認真架
我 : 認真點解你又要去識過第2個呀
T :…
我 : 如果你係覺得好玩既…你搵第2個.我唔岩你
T :…
我 : 你以後都唔好搵我
T : …唔好啦…yy

我唔理佢就走左啦…其實我知我係好傷好傷好傷架

一路行一路喊…喊到收唔到呀…我自己一直扮到好堅強,我知道我唔得架,好脆弱呀,一路行出去…一路喊…kk 坎出泥陪我,我話唔駛…比我一個靜下吧…

我走左去個公園度…諗返之前之前所有所有既野,真係好傷呀,一次又一次咁,點解要咁對我呀,係唔係我好恰 d 呀,我真係唔明白…我付出咁多…得到既有幾多呀…次次都帶比我傷害…點解呀

諗諗下又係度喊呀,見到一個人行左過泥…係 c 呀.佢坐係我隔離…同我講
c : 做咩事呀
我 : 我失戀呀
c : 邊個咁衰…
我 : T
c : 你同佢又一齊呀
我 : 係呀…但依家散左啦
c : 其實係 T 叫我泥搵你架
我 : 佢叫你搵我做咩呀
c : 你地唔好咁啦…你地經歷過咁多…先一齊返…好難得架
我 : 咁又點呀…你都識講好難得…咁佢有冇去珍惜呀
c : 算啦…錯左比個機會佢啦
我 : 我比左好多次啦…咁又點呀…到頭泥咪又 hurt 我
c : 下次唔會架啦
我 : 夠啦…唔好再講啦
c : T 好仔泥架

待續

我 : 如果佢好既…佢唔會hurt我啦
c : 算啦… …
我 : 我唔想再諗佢
c : 唉…你自己鍾意啦…我都唔迫你
我 : …
我 : 我走先8
c : 喂…有咩唔開心搵我啦

我走左啦,我一個人行下行下,好快就天光啦,成晚冇訓呀,好想去死呀,知道要返學,但我唔想返,打電話返去請假,我自己一個行泥行去,去左好多我以前同 T 行過既地方‧第一次見既地鐵站,諗返起好傻呀,點解會真係去識一個人…仲令到…自己. …咁

行下行下…一路都冇食過野,之後見到我個阿哥…學校既,佢見到我…
我地就坐左係 d 公園度
佢 : 喂…做咩唔返學呀…妹
我 : 你都知琴日咩事架啦
佢 : T 今日都有返呀
我 : 唉…哥…我失戀呀
佢 : 我知呀
我 : 唉
佢 : 唔好咁啦.有阿哥係度呀ma
我 : 我好好好好唔開心呀
佢 : 仲有好多男仔架呢個世界上
我 : 冇冇冇呀
佢 : 係你眼前都有一個
我 : 你都名草有主啦
佢 : 散左啦
我 : 點解既…
佢 : 佢有第2個
我 : 下…同病相連呀…
佢 : T 睇得出佢唔係好仔啦…give up 吧啦
我 : give up…咁勁既阿哥你.識英文喎
佢 : 緊係架
我 : 你點解可以咁開心既
佢 : 唔去諗…or 比自己多 d 野做 就冇野架啦
我 : 我都想唔諗呀
佢 : 時間…一定得架

待續

我 : 成2年啦…比佢玩左…真係好傷好傷
佢 : 唔好咁啦.阿哥會心痛架
我 : 嗚嗚嗚…( 佢攬住我 )
佢 : 乖啦,唔好喊啦…唔值得為 d 咁既人喊呀…傻女…乖啦 ( 好細心呀 )
( 喊左一陣 … 放開左佢…)
我 : 冇野啦1. …我
佢 : 咁咪好囉
我 : 你咁晏仲唔返屋企既 ( 5點幾啦 )
佢 : 陪你呀ma
我 : 唔駛啦 …我自己會返屋企架啦
佢 : 你依家咁既樣…邊得呀
我 : 我依家想飲酒呀…得唔得呀
佢 : 等我一陣
( 佢跑去 seven 即買比我飲 )
佢 : 得啦
我 : 好 ( 我即刻吹喇叭咁飲呀 )
佢 : 你都好勁喎…唔驚醉呀
我 : 有你係度…唔驚呀
佢 : 唔好飲咁多呀
我 : 你又買咁多?
佢 : …無奈

飲左陣…好肚痛呀…係勁痛
我 : 哥…好肚痛呀
佢 : 下…點呀你…
我 : 我由琴晚就冇食過野呀
佢 : 唉…空肚飲酒…唔得架…好傷架…
佢 : 我依家送你去e院啦
我 : 嗯

之後飛的去啦…我叫埋阿ma去…嚇親ma呀…我行都行唔到呀,哥抱我入去e院,之後已經wingwing地啦個人…好肚,暈左唔知咩事啦…一起身既時候…見到一個好熟既人

一開眼就見到 T 啦…佢望住我…我唔想見到佢…就側埋一面啦,我望第2面…係哥同ma呀…ma同我講話冇事架啦…e 生話聽日出得院架啦…我話得啦…,個陣10點幾啦…哥話要返屋企…就同我阿ma返去啦…得返 T 係度…阿ma買左 d 粥比我食.我一路食一路都冇講過野…直到佢出聲

T : 做咩唔食野呀
我 : 我唔需要同你交代我既一切
T : 你就算唔開心…都唔好用自己身體呢教飛啦…
T : 你唔係唔知自己身體係點
我 : 關你咩事呀…就算我糟質自己都係我自己既事
T : 唔好咁啦
我 : 你去搵你條女啦…唔好再理我呀
T : 我都冇…個日o個個係我個 fd泥架
我 : fd 會搞埋一舊既
T : 佢比仔飛同我訴苦
我 : ( 苦笑) 訴苦要搞埋野既
T : 我都唔知發生咩事… …之後佢同我講返…落左 d 藥係杯水度…
我 : 你唔好當我白痴啦
T : 真架… .我都冇搵佢啦
我 : 咁事實你係搞過佢喎…我接受唔到呀
我 : 你講呀…幾次呀…我原諒左你幾多次呀…數下呀
T : 我知呢次係我錯
我 : 唔係呢次…係次次呀
T : 下次一定唔會…比機會我呀
我 : 算啦…我唔想再係咁呀
我 : 之前我依為你會好…點知又係犯同一個錯
T : 今次我真係唔知
我 : 夠啦
T : 比次機會我呀…老婆 ( 跪左係度 )

待續

我 : 夠啦
T : 我真係愛你
我 : 愛又點呀…你起返身先啦
T : 你原諒我先起
我 : 我冇話唔原諒你呀
T : 老婆…( 起身攬住我 )
我 : ( 推開佢 )
T : 做咩呀
我 : 我係原諒你呀…但唔代表我同你好似以前既關係咁喎
T : 你原諒我即係代表愛我啦
我 : 唔代表架喎
T : 唔好咁啦
我 : 我要訓啦喎…88
我 : ( 我就冇理佢啦…佢出左去 )

到第2日,阿ma 拎左早餐比我食,係我最鍾意既皮蛋瘦肉粥呀,哈哈哈,最鍾意食架,食完阿ma同我講喎
ma : 係出面個男仔買比你食架
我 : 下…
ma : 佢叫我你食完先同你講既
我 : 唉…算啦
ma : 個果男仔係你男朋友呀
我 : 唔係呀
ma : 嗯

阿ma幫我執野啦,出院啦…一出去就見到 T 仲係度…我同阿ma就去搭的士…唉…唔想佢咁…我返上樓…佢就係下面等我,到夜晚個陣…仲見佢係樓下,阿ma叫我落去搵佢,我真係去左…仲拎左 $ 15 比返佢…係粥個 d 錢…我落到去…佢望住我…好似想喊咁

我 : 比返 d 錢你…88
T : ( 從後攬住我 ) 唔好走…比次機會我呀
我 : 唔好啦…真係唔得
T : 點解呀

我 : 你放過我啦…如果你想我好…就放開我
T : 我唔會比你走架
我 : 係你令到我走架…
T : 唔好提以前…我依家淨係愛你一個
我 : 夠啦…唔好再講…你想以後都見到我既.你即刻放開我
我 : 同埋你依家返屋企呀
T : ( 放開左我 )
我 : 我一直行…冇望返轉頭…

第2日…星期一要返學啦… 見到有一班女…係之後寸我個班女.仲特登走過我面前同我講
女1 : 唉…有人一個人返學喎 ( kk 同 d 條仔返 …so得我一個 )
女2 : 係喎…
女1 : 人地比人飛就緊係一個人啦
女2 : T 今日約左我地架…唔好要人等啦
我 : 恭喜你同佢一齊喎 女1 : 佢始終都係鍾意我
我 : 咁咪恭喜你地囉
女1 : 你依家咩態度呀
我 : 我恭喜你地喎… . …
女1 : 你唔好係度扮野呀…T 飛你…係應該既
女1 : 你咁既樣出街都會帶面具啦…影響市容呀你
我 : 如果係我既樣要帶面具…咁你一定係唔出街架啦
女1 : 你講咩呀…( 想打我一巴 )
我 : 打我呀…好驚呀…T 唔係度呀.你打囉
女1 : 好呀 ( 真係一巴打埋泥 )
( 好彩比人阿哥捉住 )
哥 : 你打乜野呀…你" 限" d 啦
女1 : 關你咩事呀
哥 : 你打佢就關我事
女1 : 即係你撐佢啦… . .咁我呢
哥 : 我同你都過左去囉 ( 原來佢地一齊過 )
女1 : 你要佢唔要我啦
哥 : 依家係邊個唔要邊個先呀
哥 : 係你講鍾意 T 架
我 : 唉…唔好嘈啦…返學啦哥
( 我拉哥哥一齊行返學啦 )…( 條女一直啤住我) 一路行一路講
我 : 你同佢一齊過啦
哥 : 係呀
我 : 哦…估唔到呀
哥 : 估唔到咩呀
我 : 唔講啦
哥 : 講啦…唔怕喎…都分左啦
我 : 估唔到你鍾意 d 姣婆…
哥 : 我初初唔知佢係咁架ma
我 : 係咩
哥 : 你唔好以為我bad taste 呀
我 : 唔會既…

待續

返到學校…見到 T 同個班女仔一齊…我都冇乜野…可能係覺得佢唔會係我既…所以都冇去諗…T 見到我同哥一齊…好似好嬲咁…仲特登係我前面行過…班女一直都啤住我…我都冇理佢.之後

哥 : 你冇野呀
我 : 我會有咩野呀
哥 : 你同 T 冇事呀
我 : 你話呢
哥 : 今日咁睇…應該係啦
我 : 唔係今日呀…以後都係呀
哥 : 真係咁放得低
我 : 我會搵個佢愛我多過我愛佢既人做男朋友
哥 : 都好既
我 : 一定要保護到我…唔好傷我既/…咁就good 啦
哥 : 我咁大隻一定保護到你既
我 : 係咩…( 苦笑 )

就係呢個星期六…學校 d 咩團體搞左個去海洋公園…我覺得冇野做咪去下囉…係哥叫我去架…我叫埋 kk同鋒…佢2個都唔得閒…我都唔知去唔去好…唉…最終都係去左…估唔到 T 同個班女都去囉…勁無奈呀…我覺得係哥想我去面對\囉…但我冇乜所謂既…唉…個陣好似係11月13日去架

個陣都幾熱既…係著便服去…班女個個都著短裙仔…背心去喎…我同哥第一時間覺得…唔係呀…咁都著得出街…

簡直可以用2個字形容呀…豬呀…我同阿哥係學校個陣都覺…佢地咁著都係因為咩姐…駛唔駛呀…我係學校同阿哥都係咁講佢地…我自己都著得普通啦…著左條牛仔褲…窄腳既…vans鞋…一件 superlover 既 3 囉 … .都冇拎袋…叫阿哥幫我袋野…佢有帶呀ma…好懶呀我…

班女啤一啤我…之後 T 都有泥喎…唉 … .真係失敗 … 同 T 撞到正呀…佢又著 superlover喎,唉…比人勁講囉…T 見到我都打過突…我呢件 3 係自己買架…估唔到佢都有一件,…

女 : d 人咁咩既…人著乜佢著乜…好 cheap呀
女 : 係喎…
女 : 佢個果肯定係假架啦
女 : 一睇就知啦

我冇理佢地講乜就上車啦…同哥哥坐呀…勁傾計呀…T 佢地坐好前…我坐最後…同埋哥 d fd…即係我個班個 d 啦…哈哈,刃班好似癲左咁…勁大聲唱歌…仲同隔離車個 d 人 say hi…最好笑係佢地都會 hi 返我地喎…好 kind 呀… 班女好大聲同我地講

女 : 你地唔好咁嘈啦
哥 : 關你咩事呀
女 : 你嘈到我地呀
哥 : 係咁又點呀. . … .

比人串到冇聲出呀佢…哈哈.我幾心涼架…得我一個女仔…都冇所謂既,咪一齊玩囉…之後到左…就分開玩啦…我同哥佢地一齊玩…T 同班女一齊玩…各有各玩…仲好呀…哥去邊都陪住我架…幾好呀佢…哈哈哈哈哈哈…

之後去左玩跳樓…機…比佢地捉左上去玩…玩左幾轉呀…我真係唔得啦,行過陣都浮浮下咁…最尾仲仆街呀…整親呀隻腳…真係好很痛呀…嗚嗚嗚嗚

哥 : 有冇事呀
我 : 好痛呀
哥 : 我揹你呀
我 : 下 ( 佢抱起我…又話揹 )
( 之後佢揹起我 )

好有哥哥妹妹 feel呀 ,佢班 fd 見到我個個都嘩嘩聲呀…哈哈,玩左一輪…係時候要返去啦,返到去 T 見到我咁…即刻走過泥問我做咩

T : 做咩呀…做咩事呀…下…做咩呀 ( 好緊張 )

待續

T : 點呀你…
T : ( 望住哥哥 ) 你有冇搞 x 錯呀…
我 : 都唔關佢事…係我自己整親架
T : 我一陣送你返去呀
我 : 唔駛啦…我一陣就冇野架啦
T : 邊度得呀
我 : 得啦…你都要送人地返去啦…( d 女望住哂 )

( 等齊人就上車啦…仲未齊人個陣…T 去 toilet喎 … 班女即刻走過泥同我講 )
女 : 好心你就唔好扮啦
我 : 我冇喎
女 : 冇…我唔信屈一屈就可以搞到咁呀
我 : 真係架喎…唔駛呃囉呢 d 野
女 : 你唔駛指意可以同返 T 一齊呀…佢係我架
( T 出返泥 …條女即刻扮屈到囉…好好笑呀…我覺得 )
女 : T 我屈到呀
T : 係呀…
女 : 好痛呀
T : o
女 : 喂呀
T : 咩
女 : 好痛呀
T : o ( 我聽到係度笑囉…同阿哥…笑死呀 )
T : 笑咩呀 ( 因為我同佢地坐得好近 )

之後上車喎…咁我勉強都行到既…哥哥問我得唔得…我話得既…之後我捌下捌下咁行…T 一手就抱起我…呢個動作嚇親我呀,哥哥仲嚇親…碌大隻眼…佢抱左我上車之後…同我一齊坐喎…勁無奈囉我…我諗住同哥哥佢地癲架ma…唉…之後阿 sir 仲好笑喎…開咪講

sir : 有冇一個男仔請纓去抱個女同學上車呀 …( 跟住個條女好冇野咁行返上泥…個個都知佢扮野啦,佢好 lor 呀…我勁想笑呀. .我仲特登同 T 講. …你唔駛抱其他同學咩…T 冇出聲… .一直拖住我.我好想放手呀…放唔到呀…佢捉得我好實…,唉…勁無奈呀…

返到去…我隻腳都唔係咁痛…仲可以自己行既…T 話送我返屋企 … .我話唔駛 … 因為唔需要囉,班女一落車就痴住 T. …我走左過哥哥度 … 佢地話去打機…我都想去呀,哥哥唔比呀,佢就送我返屋企啦

返到去.自己摔囉…勁痛呀,T 打比我
T : 你點呀隻腳
我 : 冇野呀…仲係度
T : 有冇去睇 e 生呀
我 : 冇
我 : 我唔得閒呀…88 ( 即 cut 線呀 ) 哥哥打比我喎
哥 : 隻腳有冇好 d 呀…星期一返去變左豬締就唔好啦
我 : 車…你就豬呀
哥 : 我唔係呀…你先係
我 : 唔得呀…你係呀
哥 : 問你 d 野得唔得呀
我 : 得
哥 : 你仲有冇鍾意 T 呀
我 : 冇…
哥 : 咁爽既答得
我 : 冇就冇…放得低既
哥 : 你有冇鍾意人呀
我 : 冇呀
哥 : 有冇好感呀
我 : 唔知呀
哥 : 我鍾意你
我 : 咪講笑啦
哥 : 我講真架…( 真係好好認真 )
我 : 我對你只有哥哥妹妹 feel 渣喎
哥 : 真係…但係我對你好有 feel 呀
我 : 唔好迫我啦
哥 : 比幾日我呀…幾日我已經開心架啦
我 : 點解呀
哥 : 你唔好問啦… ( 之後聽佢 d fd 講…佢要移民呀 >.< )
我 : 知道

之後好似係一齊左掛…佢話要同佢拍一個月拖喎…11月15日 開始 …今日係12月6啦…,我都唔鍾意佢既…但佢好慘呀…我又唔係好敢講呢 d 野…唉 … . .

跟住日日都係返學啦…T 知我同佢一齊都冇再煩我啦,我都唔想同佢講野…但同哥哥一齊冇 feel 架…我同佢都好有距離囉…唉… .唔係好想同佢一齊呀…因為我唔鍾意佢…要同一個唔鍾意既人一齊好辛苦架…成日都要我同佢去街…已經日日對住架啦…仲要星期六日都見喎…唉

今日12月6日.我同佢已經冇講野一個星期啦…我估我同哥已經復回返哥哥妹妹既關係啦…好開心呀,佢都冇乜野啦…T 對我都冇乜野啦…係成日講野都有 d 暗示囉…同埋成日都打比我…有 d 覺佢煩呀

最後…我依家係冇拍拖架…但我自己都幾鍾意拍拖既…因為有人錫有人乙水…幾好呀…哈哈哈哈…

待續…

12月7日…

今日未返到學校已經見班女啤住哂咁喎…都唔知佢地做咩…好彩今日約埋哥哥返學…今日天氣好凍,返到學校震哂呀…入到課室.都勁凍呀,T 好早返左去呀…佢望住我好似有野想同我講咁…我即刻行開,同 kk 玩囉…原來今日好多功課做呀…琴晚夜訓所以冇做…搵kk一齊抄呀…同 T 坐真係唔好彩呀

上緊堂個陣…我勁聽mp3…都冇同佢講過野…小息個陣…T 出左去…我都出左去…都我返入泥個陣…見到木台 面有件冷3同頸巾 … 一定係 T 架啦…因為條頸巾係我上年織比佢架…佢有張紙話

yy: 你著住件冷3啦…同埋條頸巾,我唔凍呀…你身體唔好呀…你著左佢啦

我猶疑左好多…哥哥同kk行埋泥
哥 : ( 拍我個頭 ) 做咩呆左呀
我 : ( 我遞比佢睇張紙 )
kk : 你凍就著啦…唔好理係邊個啦
哥 : 我冇咁偉大比你著呀
我 : 我驚佢誤會喎
哥 : 算吧啦你…你著唔著佢都誤會架啦
我 : 咁又係…( 我就即刻著啦…因為堅係凍呀 )
kk : 幾岩身呀
我 : 閘住…件冷3同我條裙距離幾寸…咁都叫岩身呀
哥 : 你好似矮左喎
我 : 妖…xxxx kk : 由佢啦…係喎…有人就生日啦喎
我 : 係呀…我生日呀
kk : 有 d 咁既事

之後小息完…上堂啦…T 見到我…就偷偷地笑…佢開始同我講野啦
T : 仲凍唔凍呀
我 : 好 d 啦…你凍唔凍呀
T : 唔凍呀…見到你唔凍我都唔凍
我 : o…條頸巾…你唔係話唔見左咩
T : 我周圍搵… 原來係我張床度
T : 呢 d 咁重要既野…我唔會唔見架
我 : 實有第2 d 女仔織比你啦
T : 岩岩收到條…好唔好意思呀…我都話唔收架啦佢地係咁質比我
我 : 你好受人歡迎喎

著左冷3同頸巾真係暖好多呀,上堂玩 sms 囉…同 kk 玩呀
kk : 死婆…你死啦
我 : 我死???
kk : 你一定又鍾意返 T 啦
我 : 痴線冇可能
kk : 從行動從眼神也覺得你鍾意佢囉
我 : 我話冇就冇啦
kk : 你自己小心 d 我 : 我講左唔會就唔會啦
kk : 聽講…T 飛左個條女呀 ( 天文台呀 )
我 : 係咩…點解既
kk : 聽講話 T 唔鍾意佢…可能係玩佢啦
我 : 抵死
kk : 哈…一陣 lunch 去邊度食呀
我 : 唔知呀

lunch 返泥…例牌去 toilet 架啦…一入到去見到有個女仔係度喊…其他人安慰佢…我望下望…原來係比 T 飛個條女呀…條女見到我望佢…佢即刻同我講
女 : 望乜 x 野望呀
( 我冇應佢 )
kk : 唉…有人望咩…乜咁樣衰既人都會有人望架咩
女 : 你講咩呀
我 : 算啦…kk 唔好嘈啦
女 : 你依家巴閉啦…個個都知 t 鍾意你啦
我 : 我唔覺得巴閉囉…同埋佢鍾意我…係佢既事…唔關我事
女 : 係你擔走 T ( 喊住同我講 )
我 : 唔係我搶佢走…係佢自己走
我 : 你知唔知我點解會同佢散呀
我 : 我同佢散係因為…( 下刪一百字 ) 你識諗既搵個第2個啦…
女 : 我真係好鍾意佢架…佢對我忽冷忽熱咁…我淨係想知佢有冇鍾意過我
我 : 你去問佢囉
女 : 佢依家避我呀…唔肯見我
我 : 我幫你問啦
女 : 好呀…多謝你呀

之後上堂我問 T 我 : 問你 d 野呀
T : 好呀
我 : 你有冇鍾意個果女仔呀
T : 邊個呀
我 : 琴日同你一齊個果
T : 冇呀…我鍾意既由此至終都係同一個人

我 : 係咩
T : 你知架
我 : 個果人真係幸福 ( 扮唔知 )
T : 但個果人唔受我呀
我 : 可能個果人唔想比你受傷害呢
T : 我一定唔會比個果人再受傷
我 : 係咩
T : 係呀…我會好好保護個果人
我 : 係唔係個果女仔呀…中2定中3個果呢
T : 唔係喎…我唔鍾意溝小朋友
我 : 你唔鍾意人就同人地講啦
T : 知道
我 : 咁咪好囉
T : 咁我應唔應該同個果人講我鍾意佢呢
我 : 你鍾意囉…都唔關我事
T : 我 …( 落堂啦 …stand up…goodbye and thank you miss )

哈哈哈哈哈…咁就放學啦…但心情唔係咁好…kk 去左陪仔…自己一個返屋企…依家一個人住…有 d 可憐呀覺得…一個人對住一間好孤獨既屋…唉…諗住…屋企…好陌生呀…雖然一個人好 free…但係都有lonely既時候架

不斷搵人傾電話傾電話…唉…到第2日…返學 T 係樓下等我喎…我覺得好出奇囉…佢見到我甜絲絲咁,都唔知做咩…一齊行返學啦

T : 你凍唔凍呀
我 : 一 d d 啦 ( 即刻除校褸比我 )
我 : 唔駛啦 ( 最後都著左 )
T : 好唔好 d
我 : 好 d
T : 你今個星期日得唔得閒呀 ( 我生日 )
我 : 到時先知架喎
T : 我想同你出街呀
我 : 到時先算啦
T : 嗯…老婆呀…我真係唔會比你再受傷害架啦 ( 佢拖住我 )
我 : ( 停底左…呆一呆…)

待續

T : 我講真架.我要變成世上最幸福既女人
我 : 唔好亂講野啦
T : 我知道架 … 你琴晚同我講過既野…我明架
我 : 幾時呀
T : 琴晚 1 點幾個陣囉
我 : 冇呀
T : 豬豬…你唔准咁講架…明明講左架你
我 : 我講過咩呀
T : 我問你同唔同我一齊…你話…" 嗯 " 問你愛唔愛我…你話 " 嗯 " 咁既
我 : ( 即刻拎個電話睇返 d 紀錄…真係佢打過比我 )
我 : ( 唔知點做好 ) 2…kk喎
我 : ( 我甩左佢隻手1…衝過 kk 度 )
我 : kk…仆街啦 ( T 行得好後 )
kk : 咩事…晨早流流叫人地仆街
我 : ( 好細聲同 kk 講哂一切 )
kk : 你快 d 同人地講返一切啦…唔好令人誤會呀
我 : 知道…一陣先啦

返到學校…都係咁啦…我都避佢架啦,之後要補課喎…我同佢講
我 : 你當琴晚講過既野…冇發生過啦
T : 點解呀…發生左就係發生左
我 : 你都識咁講啦…你同其他人上過床…我係唔係可以當冇發生過呀
T : 一件事還一件事
我 : 發生左咁多野…你自己諗下我會唔會同返你一齊啦
我 : 2年入面…你對我有幾多次不忠呀…次次我都原諒你…但一次又一次令我失望
T : 我知我自己錯左好多野…點解唔比多次機會我呀
我 : 你係知錯…但有冇諗過點改呀…就算比多次你有用咩
T : 有用架…我真係好愛好愛你…我冇左你唔得架
我 : 呢個世界唔係冇左邊個話唔得架…你自己諗下啦
我 : ( 去左 toilet )…

我返去個陣…已經唔見左佢…我個班個 d 男仔好緊張…問我…佢去左邊

待續

仔 : yy…知唔知 T 去左邊呀
我 : 我點知呀
仔 : 頭先你出左去個陣佢唔係跟住你咩
我 : 冇喎…我去 toilet 架喎
仔 : 你頭先同佢講咩泥呀
我 : ( 我講哂比佢地知 )…
仔 : 死仔…一定又諗唔通啦…唉
仔 : 咁去邊度搵佢呀
仔 : 都唔知佢係邊…去佢屋企睇下先啦
仔 : yy.你去唔去呀
仔 : 件事都因你而起
我 : 你地去啦…我係唔會去架
仔 : 但係咩喎
我 : 唉…好煩呀…我唔想再講…唔想再理佢呀
kk : 你去啦… 一陣佢做傻事呀…你唔係唔知佢係咩人
我 : 夠啦…比我靜下得唔得呀

佢地成班出左去搵佢…我冇理到…得 kk 陪我 …
kk : yy … 我都知你辛苦架啦
我 : 我真係唔知可以點做…
kk : 唔好咁啦
我 : 點解你地個個都覺得我係衰人…係我錯
kk : 唔好咁啦
我 : 佢地有冇諗過係邊個錯呀 … kk : 咁係佢地唔知姐
我 : 嗚嗚嗚嗚嗚嗚嗚嗚嗚嗚嗚
kk : 唔好咁啦

生日係一件好開心既事泥架…

出左去玩…第一站係去左爸公司拎禮物同埋要同佢食lunch呀…無奈呀,同2個唔識既人一齊食囉…係一個男人同一個男仔…我都唔明點解要帶我去同佢地食飯…無奈呀…個果男人一定係爸傾生意個 d 人…個果男仔一定係佢個仔…仲傻傻地個 d 呢…我都冇乜心情同佢地食飯…之後就出左去搵 fd

搵 kk 鋒 同埋 d fd 呀…一齊去左朗豪坊個邊行街啦…行行左佢地搭車唔知去左邊…我掛住玩都冇理到佢地講去邊. …食完野之後… . . . 去到一個廣場有 d 好大個螢幕個 d 啦 … 佢地捉左我去睇… 我開始意識到佢地做緊咩囉… …真係比我估中

係螢光幕打左

Dear yy :

求你比多次機會我…我知錯了
我不能失去你
我愛你

T

我見到好無奈. …

待續

一個生日既日子…見到 d 咁既野…我心入面諗 : 撞鬼囉…哈哈…之後我 d fd 走哂喎…得返我一個 人係度…我咪即刻打電話比佢地囉,未打到個陣,就見到 T …T 拎住紮花同一隻介指…

T : yy…比次機會我呀
我 : 點解你要我比機會你呀…點解你唔比機會我走呀
T : 我鍾意你…所以唔想比你走
我 : 如果你想我好就比我走
T : 我真係愛你架
我 : 我唔係你杯茶…( 突然諗到呢句野 )
T : 你係呀…
我 : 夠啦…我同你冇架啦…永遠都唔會有
T : 點解呀
我 : 你有冇諗過你攬住條女個陣我係邊呀
我 : 或者有冇諗過你同條女扑野個陣…我做緊乜呀
我 : 你有冇諗過我呀…我係人泥架…我識唔開心架
我 : 我每次比機會你個陣…我自己同自己講…你唔會再係咁
我 : 原來係錯架囉…你冇去改過…次次都係咁
我 : 你醒下啦…夠啦…我同你冇可能架啦…我唔會再鍾意一個對自己咁既人
我 : 我希望你明白…隻介指唔岩我架…( 係 Tiffany 泥架 )
我 : 你自己諗清楚啦…我同你只會是朋友…永遠都係

個日之後我都未見過 T 啦…學都冇返呀佢,我都唔想過問佢 d 野,佢 d fd 都有問我佢去左邊,但我唔知…亦唔想知,有次同kk出街…佢同我講

kk : yy 你點解可以咁放得低既
我 : 咁多次既傷害,唔放低都唔得啦
kk : 我同峰散左啦
我 : 點解既
kk : 佢話唔鍾意我呀…佢話唔係有第三者
我 : 你放棄吧啦…
kk : 唉…我真係好鍾意佢架
我 : 鍾意唔代表要係埋一齊既
kk : 唔知呀…好亂呀我
我 : 時間會令到你冇咁亂既
kk : ( 電話打泥 )…( 同電話個果人講 )
kk : 下…佢依家走呀
kk : 咁快既…唔係星期一咩…
kk : 幾點呀…我依家泥呀
kk : ( 同我講 ) 我冇乜事架啦
我 : 你依家要走呀
kk : 係呀
我 : 去邊呀
kk : 既…
我 : 搵仔呀?
kk : 係呀…你去唔去呀
我 : 邊條仔先
kk : 你真係唔鍾意 T ?
我 : 鍾意呀
kk : 佢傷你咁多你仲鍾意佢?
我 : 咁又點呀…況且鍾意唔一定要一齊既
kk : 你真係信佢呃你
我 : 我有咩理由唔信呀
kk : 如果佢係好有原因呃你呢
我 : 唔知啦…你唔係要走咩
kk : 係呀…你唔去呀
我 : 我做咩要去呀
kk : 唉…我唔想呃你…其實我依家要去機場送 T 走
我 : 做咩送佢走呀
kk : 其實你個次打比佢…好多人係佢屋企…我都係…
kk : 佢同我地講佢要走啦…佢唔想阻你…話唔想比你知道…佢會擔心你
kk : 佢話寧願呃你…令你忘記佢…都好過日日都掛住佢
我 : ( 唔係呀 ) 你講真架
kk : 係呀…依家仲唔去機場趕唔切架啦
我 : 好…去…( 個陣個心真係唔知想點…)

去到機場…搵佢地…真係見到 T ,個一刻我咩都唔理…衝過去攬住佢,喊哂咁口,我意識到佢地都行開左,攬坐佢個刻所有既感覺都返哂泥,佢同我講

T : 傻女…你應承過我唔喊架
我 : 點解你唔同我講要走呀
T : 我唔想你擔心我呀
我 : 嗚嗚嗚嗚嗚嗚嗚
T : 我今次去左都唔知幾時返
T : 我唔想你等我呀
我 : 嗚嗚嗚嗚嗚嗚嗚
T : 唔好喊啦…你放心我一定會返架
我 : 嗯嗯…我地永遠都係好朋友
T : 我過左去讀書我都可以同你 icq 架ma
T : 有一句野我一定要講
T : 我愛你…永遠都唔變架
我 : 嗯…( 仲攬緊 )
T : 你呀…唔好飲咁多酒啦…( 放開左我 )
我 : 知道啦
T : 你知你自己身體唔好架啦
我 : 知道.( 佢摸摸我個頭 )
T : 差唔多啦…我要走啦…
我 : 你過到去記住溝個鬼妹返泥呀
T : 好…一定搵個波大蘿大既
我 : 哈哈哈…你呀…搞到我又喊又笑
T : 由我第一日開始到依家都係覺得你笑得好甜呀
我 : 由我第一日開始到依家都係覺得你笑得好衰呀
T : 哈哈哈哈哈
我 : 哈哈哈哈哈

之後佢真係飛啦…我諗我同佢既故事已經完啦…真係一切一切都完結啦…佢今次既走,徹徹底底完結啦…也許是我地新既開始…各自各既生活可能仲好…但我唔後悔同佢一齊…經歷左咁多野…人長大啦…知道自己條路應該點行,唔會再走回頭路啦…

見到 d 飛機起飛,我已經覺得今次既戀愛己劃上句號了

要走既都走哂啦…T … 哥哥…所有人都走左啦,個個都走左…有d寂寞呀…日日返學都係咁啦…kk都同我好好 fd 咁…而我既感情生活係空白一片架…就係1月2日出現左我人生中第2個男人…佢…傑…係呢一日…結識了他

個日…kk打比我
kk : 喂…令女.出街囉
我 : 去邊姐…令仔
kk : 想去帶你識多d男仔囉
我 : 下
kk : 冇呀…峰(k條仔)佢話帶我去同佢d fd 出街…咪叫埋你去囉
我 : 聽日要返學喎…一d功課都未做
kk : 聽日先做囉…
我 : 我去好似唔係咁好喎
kk : 係峰都叫埋你去呀
我 : 是但啦.去邊架
kk : 去唱k呀
我 : 好呀

就係咁…就出左去啦…個日都幾凍架…我同kk商量過著d咩3出去…個日著左件好厚既褸…裙…boot 等等啦…好凍呀…同kk搭車出去…講野係震架…出左mk…去到好多人呀…之後我又唔係好識d 人喎…勁冇野講囉…我同kk行埋一邊…

之後等左陣…我聽到佢地話:傑仲未到喎…行住等啦…跟住我就覺得呢個叫傑既人一定係衰人…要十幾個人等佢一個…唉…但好多野都估唔到的 之後同kk個d一齊行…佢地手拖手咁…而自己就一個人…個一刻好後悔出左去囉…自己一個仲好啦…因為咁凍既天氣…真係好想留係home張床呀…個陣六點幾天都黑齊啦…佢地就話去唱k…我冇乜所謂就去啦…傑呢個人仲未出現…而我冇去理會一d咁既人…跟住同一班人去唱 k…當中有個女仔…唔係靚既…又唔係瘦個d啦…我見佢一個人行…好似好唔開心咁.我問kk

我 : kk呀…
kk : 咩呀
我 : 前面個果女仔做咩好似唔係好妥咁既
kk : 佢係唔知邊個個妹泥既
我 : 哦…佢好似好唔開心咁既
kk : 可能比仔飛掛
我 : 哦…maybe
kk : 你咪去同人傾計囉
我 : 唔啦…

之後行行下…個女仔.( s ) 佢行埋我身邊同我講野喎
s : hi
我 : hi…(好禮貌呀我)
s : 你同kk佢地泥架…你男朋友呢
我 : 係呀…我冇男朋友架
s : 哦…
我 : 你呢
s : 佢仲未到呀
我 : 佢一陣泥呀
s : 係呀
我 : 嗯
我 : 你好似唔係咁開心既
s : 嗯…我男朋友成日都放我飛機架
我 : 係唔係佢唔得閒呀
s : 佢成日都話好累…話唔想出街…咁
我 : 你問下佢點解囉 ( 其實我覺得係因為s都幾咩下…如果我係仔我唔會鍾意佢囉 )
s : 試過啦.佢話冇得解呀
我 : 咁唔開心既咪分開囉
s : 我唔想呀…因為…
我 : 因為咩呀

去到k房就停左傾計啦…就係咁唱係咁唱…仲比左間party room我地,好大呀…唱到累就同左s坐埋一邊…又傾囉

待續

跟住佢就係咁同我講佢男朋友d野…我唔係好想講呢d野囉,過左陣都11點幾啦…我同kk講
我 : kk …我走啦
kk : 唔好啦…玩多陣先啦…
我 : 我想返去呀
kk : 11點幾渣喎
我 : 聽日要返學呀
kk : 你走先啦…我地一陣仲可能落d
我 : 咁我走先啦
kk : ok
我 : s…我走啦
s : ok

跟住一個人行去巴士站搭車…行緊去個陣見到架車岩岩走左…我好激氣囉,.又要等過…跟住見到機x…就衝左入去打機啦…玩篤篤機…咁悶之下…走左去玩頭文字d啦…因為冇乜人玩…玩左陣…有條仔撩我叫我同佢比賽喎…冇乜所謂啦…就同佢玩…大家差唔多啦…望一望個電話…有十幾個電話冇聽同埋有廿個message…嘩…無奈呀…跟住見到12點幾啦

佢就送我上巴士…好好人呀佢…一上到車即刻覆哂d電話個d野啦…仲見到

仲見到一個唔知邊個既電話number打過比我同埋 sms 我…個內容係…傻豬…掛掛你哦…因為唔識so冇理到啦

返到home…沖個涼…玩下電腦就訓教教啦…一個人住果然係要幾時返屋企都可以…但都會有寂寞的時候哦…^o^第二日都照常返學…冇乜野呀…lunch就同kk一齊食…kk好唔開心同我講

kk : yy…我好唔開心呀
我 : 做咩呀
kk : 我同峰分手呀
我 : 你講過好多次啦
kk : 今次真係架
我 : 今次做咩事分手呀
kk : 佢同第2個一齊呀
我 : 邊個呀
kk : s 呀
我 : 下…佢d taste 都幾咩下喎
kk : 係喎…有乜理由佢揀佢唔揀我呀
我 : 會唔會有誤會呀…s 都有仔啦
kk : 唔會…我睇佢電話 d message 係咁講既
我 : 咁阿峰點回佢呀
kk : 話好愛佢個d野囉
我 : 咁 x cheap 既…
kk : 係喎…如果佢揀個靚個我既我都甘心呀…依家搵個pc
我 : 算啦…你自己問下佢想點囉
kk : 我唔敢呀
我 : 我幫你啦…
kk : 好呀…
我 : 咁今日放學叫佢出泥囉…
kk : 好呀

放左學…去左mcdonald坐…kk就話…佢唔想出現喎…咁我咪一個人出去講囉…之後去到見到2個人喎…我去到坐底左見到2個人…一個係峰一個係個日同我一齊打機個果呀…估唔到佢地識架喎…

佢 : 2…峰…你幾時換女架…咁靚既
峰 : 冇呀…佢係我條女個 fd
佢 : 哦
峰 : kk呢
我 : 你自己做過d咩最清楚啦
峰 : 咩事呀
我 : 你同第2個女人一齊囉
峰 : 冇呀
我 : 有時有d野唔需要畫公仔畫出腸既
我 : 你自己電話個d咪就係罪證囉
峰 : 冇喎…我比你睇啦
我 : 你刪左架啦會
峰 : 真係冇呀…
佢 : (插咀 )係唔係個次同你掉亂左電話個次呀
峰 : 一定係啦…個果係唔係 s 呀
我 : 係
峰 : 哦,佢個傻妹一定以為個電話係我啦

一切既迷底又解開左啦…都係誤會一個…good…跟住佢地又一齊返…

待續

又係一場誤會…有點兒那個呀…跟住我叫返kk出泥…佢地又冇野lu…唉…當我返屋企諗返傑(佢)同s一齊…覺得唔係呀…咁都會鍾意佢既…算…都唔關我事…返屋企沖個涼坐係梳化一路睇電視一路玩電腦…真係悶呀…

跟住門鐘響…我去左開門…見到kk…峰…傑…
kk : 我地泥多謝你架
我 : 年中都唔知有幾多次係咁啦
我 : 想同我食飯呀
kk : 我地特登去買食送 上泥煮架
我 : 一定係打邊爐啦
峰 : 知就唔好講啦
我 : 哦

佢地入左泥…kk 同峰就係廳打機…我就入左廚房整野…傑都入左泥幫我手喎…好住家男人呀…
傑 : 你識左峰好耐架啦
我 : 幾啦
傑 : 係呢…你一個人住架
我 : 好明顯就係啦
傑 : 你阿ma阿爸呢
我 : 佢地離左婚
傑 : 你咪可以帶人返泥訓囉
我 : 係架
傑 : 一定帶你男朋友返泥啦
我 : 冇喎…我都冇
傑 : 你咁令點會冇呀
我 : 錯啦…我唔係令so就冇啦
傑 : 唔係好信囉…
我 : 唔信就算
傑 : 我…冇野啦
我 : 我知你有女朋友呀
傑 : 你又知
我 : s 呀ma
傑 : 唔係呀…我都唔當佢係
我 : 點解既

峰同kk衝左入泥就冇出聲啦…即係唔係代表左佢地有d咩呢

唔知佢點諗…跟住4個人都好開心咁打邊爐… …飽飽之後kk同峰落去買酒喎…我同傑執野…係因為我同佢都係差輸左…跟住執好野…我就上左天台拎野…傑都上左泥…因為個d骰中…係天台…好凍呀…傑跟住我搵…終於搵到啦…哈哈哈…

當我落返去個陣…傑都未走…佢望住出面…( 冷係型咁 ) 我行左過去…同佢傾計
傑 : yy呀
我 : 做咩呀
傑 : 你覺得我點呀
我 : 我好似識左你唔係好耐…好難去評價
傑 : 我覺得你好令呀
我 : 唔覺囉
傑 : 有好多人問我點解會同 s 一齊
我 : 我都想知…如果你唔講既…我都唔迫你
( 叮噹…)
又係門鐘響…就衝左去開門…佢地買哂酒個 d 泥/…-.-

待續

飲左好多呀我…唔知點解…跟住我都唔係好記得做過 d 咩…淨係知好頭痛…訓醒左見到傑係我隔離囉…註明我地係有著3架…跟住我起左身…個 陣 11 點幾啦,傑都醒左…佢同我講

傑 : 琴晚…
我 : 冇野呀
傑 : 嗯
我 : 肚唔肚餓呀
傑 : 幾啦
我 : 你想出去食定我煮?
傑 : 是但啦
我 : 咁等我換件 3 落去食野啦
傑 : 好呀

一齊落去食野…食完之後都唔知做咩…同埋同佢又唔係咁熟…我又唔知去邊好…就去左打機啦…又係玩頭文字 d 囉…勁呀yy…win又好多次呀…打左陣…悶啦開始…就同佢去左行街…行行下…係去左冒險樂園玩

玩左幾百蚊呀… 勁呀…仲去左玩拋公仔喎… .我見到我最鍾意個隻monchhichi…但拋極都拋唔到…放棄了…跟住去左食夜晚…食左陣…傑話一陣返泥

佢一返到泥…見到佢抱住左隻monchhichi…係頭先個隻呀…佢特登去玩拋比我架…個一刻好感動呀…對佢有 feel 呀開始…
傑 : 拿…比你啦
我 : 頭先個隻?
傑 : 嗯
我 : 你點拗得中架
傑 : 我用左好多錢一次過拋哂過去囉
我 : 下…( 感動中) 多謝你呀
傑 : 你好得意呀
我 : …

個日返屋企就諗…我係唔可以對佢有 feel 架.佢有女朋友架啦…同埋我知佢唔係個好男人…我係唔可以去鍾意佢架…點算好呢…就係呢個時候…電話響…係傑

傑 : yy呀
我 : 嗯
傑 : 我有 d 野想同你講呀
我 : 咩事呀
傑 : 我覺得我自己鍾意左你呀
我 : 哦
傑 : 真係架

我 : 唔好講笑啦
傑 : 我認真架
我 : 傻啦…大家 fd 泥架ma
( 用自己屋企電話打返比自己個手提電話 )
我 : 我有電話入…88

之後我同kk講哂所有野…kk好驚嚇囉…,
kk : 下…佢真係咁講呀
我 : 係呀
kk : 咁你對佢有冇野呀
我 : 就係有先煩
kk : 有咩咁煩姐…咪受佢囉
我 : 佢有女架…同埋 s 係我個 fd 泥架喎
kk : 有咩所謂姐
我 : 唔係咁好既
kk : 理佢啦…s 知自己咩樣架啦…預左傑會飛佢架啦
我 : 咁最重要既問題係佢地一齊緊
kk : 比我…我會咩都唔理
我 : 唉…好煩呀

係呢段時間我冇搵過傑…而佢就成日搵我…我係逃避佢架…有時仲會放佢飛機…唉,遇上一個喜歡的人…但喜歡的人卻有喜歡的人…唉…有一次…傑係我樓下等我

傑 : 我有野想同你講呀
我 : 咩事呀
傑 : 我同 s 散左啦
我 : 係咩
傑 : 因為我知道我自己鍾意邊個多 d
我 : 哦
傑 : 比次機會我呀
我 : …
傑 : 我講真架…(係個袋度拎左個樽出泥 )
我 : 幸運星 ( 抄電視劇既 )
傑 : 送比你架.你依家可以唔駛答我…
傑 : 呢度每一粒代表住我對你既愛
我 : ( 拎住就返上樓啦 )

我真係一粒一粒咁刪開睇…佢真係寫哂野架
" 第一次見你…有心跳既感覺 "
" 同你鬥車…已經喜歡你 "
" 後悔冇問你拎電話 "
" 後悔冇問你拎地址 "
"

待續

睇到咁真係好心動架…好鍾意佢…,點解會咁架…傑比 T 好仔好多…因為據我所知,佢係乖乖仔.晚晚都要返屋企食飯既人…同埋佢唔係出泥蒲既人…係偶然會出街玩下咁…唔煙唔酒唔賭…簡直係完美呀…一個咁好既男人去邊度搵呀…

跟住係 home 諗諗下…s 打比我呀
s : yy…我失戀呀
我 : 下 ( 知道左啦)
s : 佢有第2個呀
我 : 咁你知唔知係邊個呀
s : 我唔知呀…佢淨係話對我冇 feel…
s : 鍾意左第2個呀…嗚嗚嗚嗚嗚嗚嗚嗚
我 : 仔姐…冇佢都唔會死架啦
s : 我唔可以冇左佢架…我好愛佢呀
我 : 佢唔要你係佢走寶姐…你仲有大把 fd 啦
s : 我好需要佢呀
我 : 唔好諗佢啦
s : 嗚嗚嗚嗚嗚
我 : 唔好咁啦…你喊唔值得囉…
s : 除左喊我唔知可以做 d 咩呀
我 : 我地要堅強…唔好比 d 男人睇死
( 傾左好耐…平息左佢既情緒 )

唉…愈諗覺得自己愈衰呀…到第2日返學我同 kk 講哂所有野…o 哂咀囉…佢問我
kk : 你鍾意佢?
我 : 嗯
kk : 鍾意咪同佢一齊囉
聽完佢咁講…就係個日 lunch 約左佢出泥食飯…因為佢同我 佢同我都住得幾近既…同埋同我個間學校都幾近啦…我都係知左一陣…lunch約左佢去食飯…佢同我放lunch既時間係一樣的…同佢去左餐廳食野…佢 傑 : yy…今日咁好約我出泥食飯既
我 : 想同你食係唔係唔得呀
傑 : 唔係唔係唔係…
我 : 我…睇哂啦
傑 : 睇哂咩呀 ( 明知固問 )
我 : 你比我既野囉
傑 : 嗯
我 : 嗯
( 約幾分鐘都冇出聲 )
我 : 你幾時幫我摺返d星星呀…我刪左…唔想摺返呀
傑 : 我 …??
我 : 係呀…你唔摺返散收收唔靚呀
傑 : 唔好話你懶
我 : 係呀…係唔係唔得呀
傑 : 你叫到實得既…我放學同你一齊返去呀…好冇呀
我 : 其實識你咁耐…我都唔知你住邊
傑 : 我住你隔離樓囉
我 : 係咩
傑 : 係呀
我 : 咁個次你做咩唔返屋企訓呀
傑 : 醉左咩都唔知
我 : …

就係咁…我地就一齊左啦…但開心既日子真係少呀

待續

一齊之後個幾日都幾開心既…可能係岩岩一齊…對方既背景咩都唔知,所以好奇…傾左幾晚電話都係咁,星期六我同佢第一次單獨出街呀…好緊張呀…個日佢就約左我去陪佢買3…我就是但啦…

周圍去囉我地…去左朗豪坊行…我見到咩都想買,這是女人既性格,佢同我一樣,見到咩都想買咁囉…原本係佢買3既…但最後係我買得多過佢囉…哈哈哈,我淨買波鞋都買左3對呀…連佢都話我…好大花筒呀…個3對波鞋…加埋都幾貴…一日出去行街…就用左幾千蚊啦…今個月一定碌爆card呀…算

傑就做左我既阿 4…拎好多野呀佢…佢又唔敢拖我喎,哈哈…好怕羞呀佢,夜晚個陣返去屋企個邊睇戲…睇戲囉…佢睇左我未睇…我死都要睇呀…哈…佢就我囉又係…我地放底 d 野係home就去睇戲啦…一路行佢都唔敢拖我
傑 : 今日開唔開心呀
我 : 幾啦…我好耐冇試過咁爽買野啦
傑 : 你緊係爽啦…買咁多野又唔駛拎
我 : 實係架…我比個機會你幫我拎渣
我 : 好多人想拎都拎唔到呀
我 : 你3生有幸啦
傑 : 真係喎
我 : 嗯
傑 : 我想問你 d 野
我 : 問啦
傑 : 我可唔可以拖你呀

我真係笑左出泥…
我 : 可以既
傑 : 你咩意思呀…我尊重你先問你渣
我 : 咁我可唔可以出聲呀
傑 : 咩呀
我 : 你講既要尊重呀ma
傑 : 妖
我 : 哈哈哈哈哈

睇完戲之後…我同佢行下行下去左公園坐囉…係度傾計,我問佢以前同 s 既野…佢都問我同 T 既野
傑 : 傻妹…以後有我保護你…唔駛驚
我 : 算啦…我都唔會等佢架啦
傑 : 你呀…唔准去溝仔呀…尤其係學校呀
我 : 你都係呀…( 對望中 )
佢想咀過泥
我 : 你係唔係應該要問左我比唔比你咀呢
傑 : 無奈囉
我 : 去打機囉
傑 : 哦 ( 好唔願意咁 )
一起身我就攬住佢啦…
傑 : 你都應該要問我比唔比你攬喎
我 : ( 放開手 ) 妖
佢一手拉返住我…kiss 左呀…哈哈哈…好白痴呀我地

好境不常

待續

我地一齊係好好既…但好多野都唔會係完美既…

我同kk 都係好 fd …個日返學就同我傾計…傾開
kk : 死婆…呢排點呀
我 : 幾好呀
kk : 你同傑幾好
我 : 幾啦…好平淡囉
kk : 其實我唔多鍾意佢
我 : 點解呀
kk : 我聽人講…傑同s一齊…佢出面都好多女架
kk : 次次都係同人地上完床後同人散既
我 : 嗯
kk : 你同佢上過床未呀
我 : 未呀…我唔係個咁隨便既人
kk : 我覺得你要小心d佢
我 : 你都小心d呀
kk : 唉…大檸樂啦
我 : 做咩呀
kk : 我5日冇泥啦
我 : 咁大獲…好心你就叫峰用套啦
kk : 唉…我都唔想架…有時唔係我單方面架ma
我 : 咁你依家點呀
kk : 死啦…我唔見左張回鄉卡…個次唔見銀包
我 : 下…咁點呀…去邊度落呀
kk : 唔知呀…好煩呀
我 : 唉

跟住之後我同傑食lunch…見到佢 d fd
fd : 22…有新女喎
傑 : 咩呀
fd : 唔介紹泥識既
傑 : yy呀
我 : hi
fd : 小姐 … 你住邊架
fd : 你幾多歲呀…你幾高呀
fd : 你幾重呀…你手提幾號呀…
fd : 你icq or msn 幾號呀
傑 : 問夠未呀
fd : 咁惡既
傑 : 問咁多做咩呀
fd : 問下姐…玩下都唔得咩
傑 : 有咩好玩呀 ( 好惡呀 )
我 : 算啦…我地去食野啦

就係個晚…傑就打比我
傑 : yy.你得唔得閒呀
我 : ok 既
傑 : 我有d野想同你講呀
我 : 好呀
傑 ; 依家落樓下傾呀
我 : 好呀

我落左去之後…佢同即刻攬住我…過左陣…我同佢都冇出聲…佢放開我…第一句同我講
傑 : 我地分手啦\

我 : 點解呀5
傑 : 我唔想拍拖呀
我 : 下 ( 我起左身 )
傑 : ( 佢都起埋身 )
我 : ( 我摑佢一巴 )
我 : 依家好好玩咩…溝完我就覺得好勁呀 ( 因為之前佢成日帶我出去搵 d fd )
我 : 一齊左啦就唔要我呀…你當我係咩呀…玩具呀
傑 : …( 無出聲 )

之後我衝返上樓…冇喊到…我同自己講唔好喊…唔值得為呢d人喊…一直咁諗一宜咁諗…唉…自己諗返起都唔知倣咩呢咁好似…我打比kk同佢講所有野…比我知道左d 野

kk : 下…佢真係咁講呀
我 : 係呀…佢話唔想拍拖喎
kk : 咁樣係個分手理由嗎
我 : 我唔覺得係
kk : 佢條x樣呀…你依家點呀
我 : 我可以點呀…我又唔會喊既
kk : 你冇唔開心咩
我 : 有就有d 架啦…但唔多囉
kk : 點解既 kk : 等等 ( 有電話入 )
過左一陣
kk : 我知道左個驚人既消息呀
我 : 咩事呀
kk : 岩岩阿峰同我講
我 : 咩呀
kk : 佢話傑同s一齊返呀
我 : 下

待續

kk : 係呀
我 : 岩岩同我散就同第2個一齊…
kk : 係喎…有冇搞錯呀
我 : 妖…on9架…佢冇撚野呀…寧願揀個肥婆都唔要我
kk : 佢冇眼光…too bad
我 : 呢d咁既人令去打巴啦
kk : 算啦…yy…你都預左同佢散架啦
我 : 係姐…但輸比個肥婆我唔甘心呀…( 但我自己知有鍾意過佢 )
kk : 爭返泥囉
我 : 我依家好想知個原因
kk : 去問佢囉…聽日lunch…特登去搵佢囉
我 : 好呀

到第2日既lunch…我地真係特登去撞佢…佢個陣同 s 同 d fd 一齊去食lunch…佢見到我同kk…好驚嚇囉…s 就望住我地…我知道佢知我同傑既關係…但佢冇表現出泥
s : hi…咁岩既
我 : 係呀…
s : 你地去邊度食呀
我 : 唔知呀…諗下先啦
fd : 2…靚女…又係你呀
我 : 我唔令囉
kk : 係呀…yy都唔令既…條仔寧願揀個冇樣冇身材既都唔揀佢
kk : 證明左yy唔令啦
我 : 係呀…冇辦法啦…我又唔食d肥膩野既
我 : 我都唔鍾意人地食架喎
傑 : ( 望一望我 )
fd : 係呀…我唔鍾意食架…
我 : 睇得多都唔想食野呀…kk…我地走啦
kk : 好呀

返到學校…真係個日冇食野喎…有sms呀…係傑呀

傑 : 你頭先做乜講呢d野呀…冇野呀
我 : 我講咩你心知肚明啦
傑 : 你咁講咩意思呀
我 : 唔知囉…唉…你自己檢討下啦
傑 : 我有咩可以檢討呀
我 : 我問你…你點解要佢唔要我呀
傑 : 我鍾意佢…吹咩
我 : 咁ok囉…你鍾意佢就你既事…我講咩你可以唔理架
傑 : 我唔想你傷害佢
我 : 咁係邊個hurt我先呀
傑 : …
傑 : 你頭先咁話佢…佢好hurt架
我 : 你依家咁同我講野我唔hurt呀
傑 : 我唔會鍾意你架啦…你慳d啦
我 : 我冇講過我仲鍾意你喎
傑 : 你咁既樣…fuxk…
我 : 我咩樣關你撚事呀
傑 : 屌你呀…
我 : 我唔需要架喎
傑 : 妖

之後我冇應佢啦…佢都有病架…

勁唔鍾意佢呀…kk都係呀…個日之後我冇見過傑…自己諗返起呢個人真係好咩囉…唉…

有一次同kk出街…去左唱k…之後打機喎,我諗住去玩車架ma…又多人喎…我企左係後面睇d人.好勁咁好似…kk就去左打其他既…咁…睇睇下…個果人係傑呀…我冇出聲,佢都唔知我係佢後面,睇佢…退步左好多…仲比我見到…佢有介手…仲好多條痕…( 同 T 一樣 ) 仲有一個英文名係度…係yy呀…

點解會咁既…我一直諗我都唔明點解,佢隔離個果走左,我就坐左落去,之後佢望一望我,我冇望佢.自己有自己玩,唉…kk行過泥同我講
kk : 喂…令女
我 : 咩事呀…醜婦
kk : 一陣去邊架
我 : 唔知呀
kk : 我去搵阿峰喎
我 : 重色輕友
kk : 唔好咁啦…我用左好多時間陪你架啦
我 : 算…得啦…你去搵仔啦
kk : 唉…我走啦

我就繼續玩…玩左陣…傑都係度…我走啦…我去左玩第2d…佢又好似跟住我咁喎…我去左玩太鼓…佢又一齊玩喎…勁無奈呀…咁無癮我就走啦…我去左冒險樂園玩啦…( 我都成日去玩架…哈哈哈 ) 佢又跟埋泥喎…我有我玩…唔理佢囉…麻x煩

跟住玩完就去左行街…係自己一個…傑跟係後面,勁無奈呀…之後我去睇公仔…睇我最喜愛的monchhichi…見到一隻好大隻但係好貴呀…今個月我已經碌爆卡啦…( 我老豆架張卡 ) 好似差唔多二千蚊呀…算啦

我出左間店舖後…我知道傑買左我睇中個隻…一個大男人攬住一隻大公仔係條街度行…真係有點可笑…我仲特登走入d內衣店內…哈哈哈…佢冇得跟入泥…就係出面等我…唉…

跟到我返屋企樓下…佢終於叫停左我

待續

傑 : 可唔可以傾2句呀
我 : 我同你仲有咩可以傾呀
傑 : 我有野想同你講
我 : 依家唔講得咩
傑 : 你比少少時間我…同我傾陣好冇
我 : ( 諗左陣 ) 好呀

我地就去左公園坐…佢擺左隻monchhichi係隔離…靜左一陣…佢出聲
傑 : yy…我仲鍾意你呀
我 : 咁又點呀…你選擇左s啦都
傑 : 係因為我過唔到自己呀
我 : 過唔到自己咁鍾意佢呀
傑 : 唔係呀…講真個句我真係唔鍾意佢
我 ; 咁點解要同佢一齊呀
傑 : 一齊係有苦衷
我 : 講呀
傑 : 隻monchhichi送比你架
我 : 你講左先啦
傑 : 之前我對佢已經冇feel架啦
傑 : 個陣我仲未識你…我想同佢散個陣
傑 : 佢同我講 佢有左…我個陣o哂咀咁…唔知點做
傑 : 之後我比左錢佢落左佢…我覺得好對佢唔住…佢搵佢個 fd 陪佢去落
傑 : 個次之後…佢都痴住我…有幾次好想同佢分手…
傑 : 當我返到屋企…望返呢件事…我就覺得佢好慘…所以一直拖…拖到今日
傑 : 直至第一次係機舖見到你…我已經鍾意左你…個一刻我好想即刻同你講
傑 : 過左幾日…原來你都識得峰…覺得同你好有緣…之後我終於忍唔住啦…因為我真係好鍾意你
傑 : 同 s 講左分手個幾日…我都覺得自己好幸運可以同你一齊…
傑 : s有日同我講…仲問我記唔記得呢件事…個一刻我真係唔知可以點…
傑 : 我知我好愛你
我 : 咁又點…你都揀左佢啦…點解仲要咁呀
傑 : 同我一齊好唔好呀

我 : 點解姐
傑 : 我真係愛你
我 : 咁又點…如果我依家同你一齊…咁即係我係第3姐…我唔想
傑 : 我過唔到自己呀…我知鍾意既人係你…
我 : 我知你愛我…我都鍾意你
傑 : 咁咪得囉
我 : 但我同你有緣冇份…我地時間唔岩
傑 : 我相信我追得返架
我 : 過左就係過左
傑 : 我好後悔
我 : 件事已經發生左啦
我 : 改變唔到架
傑 : 唉
我 : 我地仲係fd
我 : 我走啦
傑 : 你唔拎埋隻monchhichi呀
我 : 你要返啦…
傑 : 係fd就收左佢啦
我 : 嗯

我同傑應該係朋友關係掛…唉…但佢都係死心不息…

待續