【小说连载】 轉貼~戀愛方程式[完]

戀愛方程式
人物介紹
小海(海天使):靚女,青春活潑可愛,但性格男仔頭,鍾意玩,大膽;
當遇到感情問題就好怕羞
藍藍:校花一名,為人老實,諗到咩就講咩,讀書第一,但膽小怕事。
係小海既好朋友。
丹子:靚女,唔識以為斯文,識左就河東獅吼,粗粗魯魯,但夠義氣,
有咩事都會好幫手,亦係小海既好朋友
阿森:型英帥靚正,非佢莫屬,但係冇女朋友,因為覺得女仔好煩,
但係為人口花花,冇禮貌,最鍾意同小海鬥,籃球高手
阿天:靚仔一名,鍾意整蠱人,鍾意追女仔,打籃球好叻
阿豪:型仔一名,但唔靚仔,有d內向,都係鍾意打籃球
阿鋒:丹子暗戀既人,有d自閉
阿傑:小海既頭號fans,好鍾意小海
黑翼:小海暗戀既神秘人,其實係...

********************************
呢個故事係講三個女仔~佢地大家同班ge~
有好多人追~但係佢地都唔鍾意~
因為佢地各自追求唔同既戀愛方式~
不過唔知佢地會唔會成功呢?

係咁多人追既時候,佢地三個遇上三個轉校生..
從而發生搞笑,鬥氣,離奇既劇情變化...
佢地既戀情又會係點發展呢?

阿森返到屋企,沖完涼,食完飯就開著左部電腦喇...

黑翼:hi呀

海天使:咦~你第一次主動hi我喎...

黑翼:下..係咩?

海天使:係呀...轉死性呀?

黑翼:哈哈~係掛~~係呢~今日你個新同學點呀?

海天使:嘩!講起佢真係火爆呀!佢講d野好過份ga!

黑翼:哈~佢又激嬲你呀?個新同學咁衰ge?

海天使:係囉!我都未見過d人咁衰ga!!

黑翼:算啦~唔好講佢喇...仲有咩事想講呀?

海天使:冇喇...你做咩呀?今日咁唔同既?

黑翼:下..冇呀..想問你d野呀..

海天使:....你問丫....

黑翼:你唔好笑我wor...

海天使:我一定唔會笑你....

黑翼:um..我果班有個女仔,唔知點解,我次次見到佢都想激嬲佢嫁,

但係我今日又好似做得好過份喎...

海天使:有幾過份呀?

黑翼:總之好過份啦...你係女仔...你可唔可以教我哄返佢呀?

海天使:...做咩咁緊張佢ge?你..女朋友呀?

黑翼:梗係唔係啦!佢點會係我女朋友呀?!只不過係...

海天使:係咩呀?

黑翼:咁激嬲左人...點都要哄返佢ga嘛...唔係咩?

海天使:係...但係你好似好緊張咁既?

黑翼:唔知呀..我一直都冇拍拖..亦冇試過鍾意人..因為覺得d女仔好煩..

好討厭..但係唔知點解..就係好想同佢玩..想佢注意我....

總之覺得同佢玩既感覺好奇怪啦..

海天使:哦...可能你鍾意左佢呢..

黑翼:下..唔係掛...邊有可能呢..可能佢似男仔頭..我當佢係兄弟姐..應該

海天使:哈哈..我唔知喇..我有事做..再見

阿森心諗:點解今日佢咁既..都未傾完就趕住off喇~平時都唔係ga..

 做咩事呢?連再見都唔等我講埋既..佢今日返學唔開心呀?丫!

 一定係我掛住講自己,冇理到佢啦..聽日都要同佢道歉喇

第二日返學既時候....

阿森:唔該我要兩份芝腿治(芝士火腿三文治)丫

老闆:好呀,買唔買野飲呀,靚仔

阿森:都好喎,比多兩盒朱奶(朱古力奶)我丫

老闆:好呀,二十二蚊丫

阿森:拿

老闆:多謝晒

阿森(想走,但又返轉頭):呀..老闆..

老闆:做咩呀?仲想要咩呀?

阿森:我想請教你一d野呀

老闆:問丫,歡迎呀

阿森:咁呢..如果激嬲左個女仔..但係又唔係好熟...

但又好似好熟咁..呀..總之就係激嬲左人啦,咁應該點做呀?

老闆:哦...激親女朋友呀,易啦

阿森:即係點呀?

老闆:想當年我追我老婆果陣,都成日激嬲佢ga,但係我就冇哄返佢,

冇左佢仲有大把女追喎,你都知嫁啦,我咁靚仔,係咪先?哈哈,

梗多女人搶啦...果陣威風喇.....

阿森:哈哈...老闆我都係走喇..我趕住返課室呀...(早走早著)

老闆:我都未講到戲玉...

阿森:下次啦...下次啦...(跑住返上去)好彩走得快...

*************************************

係樓梯口....

阿天:喂!阿森..趕住去邊呀?

阿森:下..冇呀..

阿豪:今日咁早既,仲早過我地兩個喎

阿森:哦~冇呀..咁唔想遲到丫嘛,靚仔應該準時先好嫁嘛

阿豪:係咪呀?人地話好男不與女鬥,你又成日走去撩人地小海鬧交

阿天:咪係囉,對人有意思呀?

阿森:喂喂,你兩個夾攻我咁話喇喎

阿豪:邊有呢,我地關心你之嘛

阿森:阿豪,你以前好少野講,好內向嫁,做咩宜家好似開水喉咁既?

阿天:哈哈,你唔知咩,佢同果個咩咩丹坐埋一齊之後,唔使兩日就變到咁喇

阿森:哦~~唔怪得你一直幫住人地啦~原來鍾意左人地~

阿豪:咩姐!邊有呀..唔好亂講啦~咁黎做交換生,都應該主動d,唔係點交報告姐

阿森:得嫁喇,我地明嫁喇,阿天可?

阿天:哈哈,兄弟丫嘛,心照心照...

阿豪:咩..咩..咩姐...喂!阿森,點解你有兩份早餐既?

阿天:一定係買比我嫁喇,估唔到你咁好,知我一定未食早餐喇,多謝晒

阿森:邊個話比你嫁,比小...自己食ga!

阿豪:比邊個呀?小咩呀??

阿森:邊有姐,我自己食之嘛..

阿天:唉..心淡喇..仲話兄弟喎...

阿豪:係囉,有早餐食都唔預我地...

阿天:你兩個返左三日學,就追到女仔..我呢..唉..

阿森:你有呀...呢~~

*************************************

返到課室....

藍藍:天,早晨呀...你唔介意我咁叫你嫁可..?

阿天:早晨呀~~唔介意,你鍾意就得喇(招牌笑容)

藍藍:um..你今日未食早餐ga可?

阿天:未呀...

藍藍:唔....請你食早餐丫...

阿天:嘩!你真係又靚,又細心,又溫柔呀,如果識得你耐d,真係會鍾意你呀!(一路食一路講)

藍藍:下...係咩...我去一去廁所先...(面紅晒)

藍藍好快咁行出課室..唔係行係跑..唔係唔係...係衝出去

小海:藍藍,早...

藍藍一枝箭標左出去喇....

小海:丹子呀..

丹子:咩呀?

小海:你見唔見到呀?

丹子:咩呀?

小海:藍藍第一次跑得咁快咋..

丹子:咩呀?

小海:佢發生咩事呀?

丹子:好型仔呀....

小海:你講咩呀?!

丹子:好型呀...

小海:喂!丹子,你做咩事呀?喂!丹子!(望住丹子望緊果度)

丹子:下!咩..咩呀!早晨呀~海

小海:哦..原來係咁...

丹子:咩呀?

小海:原來你鍾意黃一鋒...~

丹子:咩呀,邊有姐...

小海:做咩鍾意佢既?

丹子:我都話冇lor

小海:佢成日都唔出聲,自閉咁款嫁喎,你頂唔頂到呀?

丹子:佢唔係自閉呀!只係唔鍾意同人講野之嘛

小海:拿拿拿~~你仲話唔係鍾意人?!

丹子:我都話冇lor,咦!費事彩你呀!(好快走開)

藍藍(回來了):喂!丹子!你去邊呀?!小海,丹子做咩呀?

小海:我問你地兩個做咩就真呀!

藍藍:下..又關我事呀?

小海:你講,你頭先做咩面紅紅咁呀?!

藍藍:真係好紅呀?!

小海:係呀!!

藍藍:死喇!死喇!!唔知阿天見唔見到呢,比佢知我鍾..(即刻望住小海)

小海:哦~鬼拍後尾枕,原來你鍾意左新同學二號!

藍藍:噓!!!!唔好咁大聲啦...

小海:咩姐,同佢講囉

藍藍:唔得ga...識左人地幾日之嘛..嚇親人嫁

小海:你都識講呀,識人幾日之嘛,就鍾意人啦!

藍藍:咁...咁我點知點解姐..鍾意就鍾意嫁啦...(低頭,越講越細聲..)

小海:你兩個就好啦...可以日日見住自己鍾意既人...

藍藍,丹子:小海!你有鍾意既人呀?!(丹子防不勝防返左黎..)

小海:噓!!!!細聲d啦~(望下周圍有冇人望住)

丹子:邊個黎ga?!

小海:唉...一匹布咁長...

另一邊.....

阿森:喂,你地估下果三隻怪獸講緊咩丫拿..

阿豪:喂,你好喇喎,仲叫人地做怪獸,你唔好惹事喇,想被校長趕我地走咩

阿天:咪係囉.係喎,你地頭先話我都有,有邊個呀?

阿森:你咁都仲唔明呀?

阿天:咩姐?

阿豪:仲愧你溝女無數,咁都唔知..唉..可悲...

阿天:點解今日你地講既野咁玄既...即係邊個姐?

阿森:頭先邊個請你食早餐呀?

阿天:姚藍囉.....下!佢鍾意我!?

阿森,阿豪:噓!!!!

阿天:唔怪之得,佢對我咁好啦..我真係好有魅力呀下..哈哈..

阿森:咁你對人有冇意思呀?

阿天:傻啦...我唔會鍾意佢嫁...

阿豪:下?!點解呀?!人地心地咁好又靚又...

阿天:夠喇!唔好再講喇,總之我唔會接受佢嫁喇!(行開)

阿森:做咩事呢佢?

阿豪:我諗...唔會係因為果件事掛...

阿森:你話果件事呀?!

*************************************

小海:小藍藍,多謝你呀!

藍藍:點解呀?

小海:多謝你幫我買早餐囉

藍藍:下,冇呀,我今朝都冇幫你買

丹子:係囉,佢淨係買比阿~天~嫁咋,哈哈

藍藍:喂呀!唔好笑我啦...(望向阿天)

小海:喂,咁邊個放係我台面嫁份早餐?

藍藍:會唔會係阿傑呀?

丹子:係lor,係lor~問下佢囉

小海:阿傑~(高呼他的名字)

阿傑:做咩呀?(行左過黎)

丹子:你今朝幫阿海買早餐呀?

阿傑:下?冇呀,做咩呀?

藍藍:你唔使扮喇....

阿傑:我真係冇喎...我一直都搵緊銀包...

小海:下,你唔見左銀包呀?
阿傑:係呀..丫!我醒起留左係邊喇!音樂室呀!我去拎返先...

小海:哦.....

藍藍:咁邊個買早餐比你呀?

小海:你問我,我點知姐?

丹子:咪係囉,佢知就唔使問你啦,咁蠢既..愧你考第一...

藍藍:咩喎....丫~會唔會係你d追求者呀?

丹子:嘩!有可能...

小海:咁..你地覺得會唔會有落藥丫拿...

藍藍:唔會掛...

丹子:你都未暈...點會有呢..

(鈴.......鈴.......鈴....班主任時間)

老師:各位同學早晨

同學:老師早晨

老師:好喇,今日係班主任時間,大家都返左一個星期學,有咩意見想表達呀?

小海即刻舉手!

老師:大家同學請靜少少,聽下藍冰海同學既意見下,你有咩想講呀?

小海:老師,我想調位呀!

老師:點解呢?o岩o岩先開學咋喎,做咩又想調位呀?

小海:老師,我地一開學自己調既,宜家應該抽籤調位,等我地有機會同平時唔識既人坐埋一齊嘛

老師:都未嘗唔係一個好提議,有冇同學反對呀?

同學:幾好呀,就咁做啦

老師:咁好啦,下晝上我堂既時候,我會同你地調位嫁喇,好好珍惜同你隔離宜家相處既時間喇,再見

同學:老師再見...

阿森:乜你好唔想同我坐咩

小海:我係超級唔想同你坐呀!!!

阿森:我咁靚仔,我同你坐,你執到啦!

小海:鬼得閒望你個衰樣呀!

阿森:你頭先食左我個早餐,唔係原諒左我喇咩?

小海:咩話?!個早餐你買ga?!

阿森:係呀,做咩呀?驚我落毒呀?!

小海:唔怪之得咁難食啦...我都驚有毒呀!

阿森:喂,你講野咁難聽既!

小海:唔知邊個講野難聽先呢?!

阿森:(忍左啖氣)對唔住,係我唔o岩

小海:(目瞪口呆)你..你講咩話?!

阿森:對唔住,係我唔o岩,我地言和啦好嘛?!

小海:既然你都講左對唔住喇..我冇理由咁小氣既..

阿森:(伸左隻手出黎)握手言和丫

小海:好!(大家握左手)

阿森:不過..我地要分開喇..我好唔捨得你呀..

小海:喂喂..聽講我同你唔係咁熟咋喎,你唔好講d令人誤會既野呀

阿森:你唔係原諒我喇咩?!

小海:係丫,但冇話同你熟喎

阿森:講下笑姐,我驚係你唔捨得我咋!

小海:請你節省少少丫...

阿森:喂,(突然正經)唔好咁啦,(認真)我叫周日森,多多指教

小海:(呆左陣)我..我叫藍冰海,多多指教

阿森:人如其名,冷冷冰冰..(見到小海既表情)係好好人至o岩...