【餐点分享】BoBo::自家厨房Cooking Station (有食譜)

明膠布丁

所需材料:

A 料
牛奶 … 3杯
糖 … 3/4杯
蛋黃 … 6個
B 料
明膠 … 2大匙
水 … 1/4杯

作法步驟:
A料拌勻。
B料攪拌均勻後,隔水蒸化。倒入A料中拌勻,舀入模型中,放入冰箱冷藏至凝結。
食用時,連模放在溫水中浸一下,再倒扣在杯中,淋上一些焦糖蜜即可。

備註:
本點心所用之器具必須清潔,因為材料不須煮沸。
047_b_0.jpg

我要娶你这样的女孩了。。。。。。。。。

bobo的以后一定被养到胖胖的。。呵呵,原因。。她太厉害煮了。。

哇。。。

很多啊。。。。

拷贝下来叫我妈妈做个我吃。。。

谢谢你。。。

哈哈哈!谢谢你们的意见!

龍利柳配荷蘭汁(FILLET OF SOLE WITH HOLLANDNAISE SAUCE )

希望大家有機會就做黎試下啦 :slight_smile:

材料 : 龍利柳(先解雪) 2 條、薯仔(potato) 1 個、雞蛋 3 隻、麵粉小量、牛油清60 ml

做法 : 先將龍利柳切成適當大小排好,灑上小許鹽、古月粉、數滴喼汁搽均整件魚醃大約15min,將牛油用熱水"坐"溶得出牛油清,薯仔去皮切成薯角

燒水,水滾後放入薯仔角烚 10min 之後隔水備用

o係醃魚既同時我地就開始整荷蘭汁,用一個金屬容器打入 2 隻蛋黃,加入 2 Tbsp 水或白酒用打蛋器打至略"杰",之後慢慢加入牛油清坐於熱水(約50度左右)上不斷打發至 “杰” 身(即係可以o係汁面滴出花紋)跟著加入 1/2 tsp 鹽、古月粉小許打均,可依喜好加入芥末 1 tsp、蒜泥 1 tsp或檸檬汁數滴加入後打均便可

將 1 隻雞蛋打散,另一方面倒出麵粉,先將已醃魚肉上粉之後再上蛋,用煎 pan 煎熟放上碟再放上薯角,淋上荷蘭汁 ~ 搞掂!

p.s. 整個過程最難應該係打荷蘭汁,要將汁打發得好雖要點耐性如果覺得上粉上蛋呢個步驟煩,其實可以唔做直接將魚煎熟都可以,只係會冇咁香啦~

意式肉醬螺絲粉(FUSILLI WITH BOLOGNESE)

天氣悶悶焗焗咁可能有d人會冇乜胃口食飯,咁今次我地就做個螺絲粉食下啦

準備材料 (4-6人份) : 攪碎豬肉/牛肉 約600g (大概$20)、西芹(celery) 1-2瓣、甘荀(carrot) 1/2支、洋蔥(onion) 1個、蒜頭(garlic) 2-3 粒、罐頭冇皮茄(peeled tomato) 1 罐、煙肉、上湯、茄羔 2 Tbsp、basil、thyme、oregano、麵撈 1 Tbsp 、螺絲粉

1.)先將菜類切成細粒 ; 煙肉切碎 , 蒜頭切碎分2份

2.)鑊燒熱落油落蒜蓉略爆,加入肉碎炒至散熄火

3.)將煮汁的鍋熱一熱落油或牛油(中火)落蒜蓉、煙肉碎同爆香,之後加入洋蔥碎炒至有色(黃黃地)接著加入2 Tbsp 茄羔炒均,炒均後加入西芹碎、甘荀碎炒均

4.)接著加入上湯至蓋過肉面多d,待滾後(轉小火)加入 basil、thyme、oregano 各 1 tsp煮 30 min (記住時不時要攪下) 呢個時候煲水準備烚螺絲粉
5.)之後加入 1 罐冇皮茄(整碎)煮 15 min , o係呢 15 min 裡面我地就烚螺絲粉,烚完隔乾水分好(唔駛 “過冷河” )

6.)之後加味到肉醬中,古月粉 1/2 tsp (我係加黑椒碎既…)鹽 1/2 tsp、雞粉 1/2 tsp 攪均,最後加入麵撈水不斷攪拌,至滾後熄火~搞掂!!

p.s. 簡簡單單又一餐,希望各位喜歡啦最後尾落既麵撈水可以以生粉水代替,整麵撈會比較麻煩…煮出黎既味道可能有朋友會有疑問,點解肉醬唔酸又唔辣既?其實比較有酸辣味既肉醬係地道化左,食味較濃…鬼佬習慣相反,食味較淡同埋喜歡食原味

意大利薯菜湯(MINESTRONE SOUP)

準備材料 : 洋蔥 (onion) 半個、甘荀 (carrot) 半條、西芹(celery) 2瓣、椰菜 (cabbage white) 1/4個、薯仔 (potato) 1個、大蒜 (leek) 1/4支、蒜頭 (garlic) 2粒、煙肉 (bacon) 2條、罐裝冇皮茄 (peeled tomatoes) 半罐 (連汁)、茄膏 (tomato paste) 3 Tbsp (湯匙)、上湯 1.5L、basil 、黑椒碎 、鹽

做法 : 1)先將所有蔬菜類切成指甲狀(即係四四方方一片片)蒜頭、煙肉切碎,冇皮茄在罐內用匙羹插成大片 2)先開火將煲稍為燒熱,轉中火落油(或牛油)先落蒜頭碎、煙肉碎爆香(小心唔好焦)之後轉大火落洋蔥片、甘荀片炒至略為軟身,再落埋西芹、椰菜、冇皮茄、大蒜炒勻,加入上湯待滾起 3)滾起之後轉中火加入茄膏 3 Tbsp 滾 10 min 4)之後加入薯仔片、黑椒碎 1/2 tsp (茶匙)、basil 1.5 tsp 中火滾10 min 5)加鹽約 1-2 tsp (請依口味增減) 再滾一陣待鹽煮溶,熄火~搞掂!!

p.s. 有d廚師喜歡加入整碎既意大利粉(未煮的)一齊煮,會令個湯食落d料豐富d,如果要加就o係加薯仔既時候落就可以了;煙肉我會用煙脊比較瘦冇咁多油至於上湯我自己淆既~當然用現成清雞湯都可以啦,完全加上湯或者可以 2 : 1 既比例上湯加清水(即 1L 上湯 500 ml 清水)都可以~試過之後覺得好味唔好味都比d意見我啦!(圖中一點點黑色係 basil 黎)

[/乾咖哩肉鬆

材料 : 約 600 g 絞碎牛肉 (我自己係用豬肉既 $20 差唔多有 600 g)、自家制咖哩粉 4 Tbsp (可根據自己喜好加減) 、 洋蔥(onion) 1個 、 甘荀(carrot)半條 、西芹(celery)2瓣、蒜頭(garlic)2粒、無皮茄半罐(約2-3個d汁隔走)、甜芒果醬 2 Tbsp (冇既話可以唔落)、上湯適量
做法 : 1.)先將所有蔬菜、蒜頭切成細粒,蒜頭切好分開 2 份 2.)鑊燒熱爆一份蒜頭(爆至微黃)將絞碎左既肉倒落鑊不斷炒直至將肉碎炒開(散)熄火 3.)燒熱隻鑊放剩餘既蒜頭爆一爆,先放洋蔥粒炒,炒軟洋蔥之後再落甘荀粒西芹粒同炒一陣,跟著落冇皮茄一同炒勻(我會用鑊剷插散d冇皮茄),之後落咖哩粉繼續炒,炒勻之後再將炒開左既肉碎倒埋落去,炒勻鑊裡面既材料之後就加入上湯,加到大約見到有就可以 4.)落芒果醬(如果有)、鹽 約 1.5 tsp(依口味增減)轉中火不斷炒,直到水份完全收乾就可以熄火,食得喇希望大家喜歡啦!!

p.s. 要注意落鹽要兜勻左先好試味,覺得有咸味就唔好再落,因為收乾水之後會更咸上湯我就用自己淆既想方便既當然可以用買架啦我自己就最鍾意加隻半熟煎蛋上面,撈埋d蛋黃同咖哩一齊食~更香更好味如果用絞碎牛肉既話煮好顏色會比較深黑色

印度烤餅


印度烤餅做法簡單,最適合配埋咖哩一齊食(不過整咖哩就比較複雜…)o係未講咖哩之前不如我地黎試下做烤餅先啦

準備材料 : 高根麵粉 180g 、 低根麵粉 160g 、 發粉 2.5 tsp(茶匙) 、砂糖 1 tsp 、鹽 小許 、蛋 1隻 、 牛油 1 Tbsp 、牛奶 150 -190 ml

  1. 將牛油放室溫(意思係放到同室溫一樣),蛋打均 2) 將高根、低根麵粉、發粉、鹽、糖一同篩入大兜內攪均 3) o係堆粉中間開個洞倒入蛋、牛奶(先加150ml),將兜內材料混合好變成粉團 4) 將粉團拿出用力搓、用力壓直到粉團變滑身 5) o係粉團中間開個洞放入牛油,再將粉團搓壓至牛油同粉團充份溶合埋一齊 6) 用保鮮紙包好粉團放入雪櫃靜置 45min 7)從雪櫃取出粉團分4 等份,用麵粉棍滾平粉團至大約 3-5mm 厚形狀隨意 8)用煎pan煎熟

p.s. 要注意因麵粉牌子唔同受水性有別,如果搓粉時發覺麵團太乾請加入小量牛奶同搓;煎時用中小火慢慢煎唔好心急啊

bobo…好利害哦。。。要向你偷师了。。。

好呀好呀!!没看见厨神是我?可以问问意见在那边的…

Jam到恆!簡易快趣士多啤梨醬

水滾,消毒玻璃瓶、蓋子10分鐘,瀝乾,要不然用吹風機吹乾,千萬別用紙巾抹乾。這個瓶子是500 ml。

草莓去蒂,切厚片(這次不用原顆),大概有4杯(但是做完了,不能盛滿玻璃瓶,下次要起碼要6杯份量)。另預備大菜絲,用的分量如圖。冷水略洗,備用。

牛油紙沿蓋子剪成相若的圓形。

預備較深的鍋子。大菜、草莓同放,加水2湯匙,煮滾,高中火繼續煮10分鐘,記得要不斷攪拌!

預備1杯黃糖。這次阿媽買了受潮的,要一邊左手攪,一邊右手戳鬆它。人心多紛雜喔!

10分鐘後,加入黃糖,仍然不斷攪拌直至全部溶掉,立即停手,讓它自行大滾一會--劈里啪啦!

熄火。牛油紙套在蓋子裡面。果醬料倒進瓶子,封蓋。倒轉放置。冷卻放進冰箱。明早可以塗吐司了! 也可以拌入純味乳酪吃呀!有助通便!

下面是引用unknown于2006-06-12 07:05 PM发表的:

哈哈哈~~厉害呀!

yummy…

哇!看了都流口水,肚子很hungry wo…

很详细的教程…

谢谢分享

心太軟朱古力蛋糕

~ 分 享 一 下 食 譜 ~

材 料 : ( 9 個 份 量 )

淡牛油 (座溶) 100 克 黑朱古力 (座溶) 90 克

雞蛋 2 隻 蛋黄 35 克 糖霜 (薛好) ~ 太古牌 60 克

低筋粉 (薛好) 50 克 拔蘭地酒 8 克 ( 可加 或 不加 )

菜油 ~ 少許 ( 掃模杯內 ) / 高筋粉 ~ 少許 ( 掃模杯內 )

做 法 :

  1. 將朱古力切碎~然後座熱水另朱古力變溶液 。

  2. 牛油亦座熱水變溶液後,加入朱古力漿內攪拌勻 。

    ( 待 朱 古 力 糊 變 和 暖 )

  3. 雞蛋+蛋黄+糖霜 (薛好) 放入缸岡打至杰身 (用手打蛋器 1-2分鐘) 然後放入朱古力漿攪拌勻。

  4. 加入拔蘭地酒 + 低筋粉 (薛好) 慢慢用膠挖攪拌勻 。

  5. 放入雪櫃最少一小時 ( 雪過夜~效果更佳 ) 。

  6. 預熱焗爐 190 度火 / 15 分鐘 。

  7. 模杯掃上菜油 及 再掃上高筋粉 << 這樣會容易脫模 >> 。

  8. 將麵糊放入模杯內至 3/4 滿 (100克) 。

  9. 放入焗爐 190 度火 / 焗 10 分鐘 ( 焗後待 1 分鐘先可脫模 ) 。

** 亦可焗完後待涼放入雪柜,留待明天再焗亦可 **

** 留待明天焗待 ~ 可用微波爐焗 1分鐘 ~ 即 可 **
ap_20060727042424501.jpg
ap_20060727042419478.jpg