1‧咪咁小器啦！
女人点解憎：
小器是女人拥有但又不想认拥有的特质，你明寸佢？等开拖吧！
男人说这句话时通常笑笑口，点解？因为知女人唔岩听？明知不应说但又坚持说出来，
撩交嗌？
男人说这话前通常已说完「嬲完未呀？」、「唔好嬲啦？」之类的说话，但游说不果，
结果就赖人小器，屙屎唔出赖地硬！
话对方小器，即係话对方唔应该嬲？其实女人发嬲一定有佢道理，男人驳嘴即係话女人
蛮不讲理，死快d啦！
建议：要女人唔嬲，真的惟有等她自己嬲完，但不等 於什么都不做，男人最好做点事
来缩短过程，愈拖只会愈难TUM，基本上连个嬲字都不能提，女人好憎呢个字，唔嬲都变嬲
！
告诉你，叫女人唔好嬲，佢嬲得仲劲！要软化女人从身体入手，抱抱或紧握她手吧！
2‧对唔住囉！(同类说话：我唔岩;囉 、我衰囉、我错囉)
女人点解憎：
「囉」什么？晦气到死！
最讨厌是加个「咁」字在前头，「咁对唔住囉？」，一个「咁」字包含了「我唔觉得自
己错但买你怕囉」这十二个字的意思，明激我啦！
男人说时通常皱眉头、眼神厌倦，摆明在说「你又来了」，乜我好难顶咩？
建议：用口去表示歉意是低层次的做法，倒不如用行动表示。道欺最紧要诚意。
3‧钟意吗？ 我送比你Y！
女人点解憎：
因为得个讲字，男人总以为讲左就等於买左，毋需真的买！
见我双眼发晒光仲问，你盲架？
要我用把口去讲我钟意，即係要我认贪心！
建议：讲得出就要做得到！一定要趁热买，一拖，女人又话你无诚意！
立即在她面前付款是最方便的做法，但女人最憎呢种方便，唔浪漫。
男人总係唔识送礼物，以为买左然后交过去就大功告成！其实送礼物最重要是点样交到
对方手上，即係心思、惊喜。
4‧使唔使帮你？(同类说话：使唔使车你、使唔使帮你拎？ )
女人点解憎：
废话！问来干么？答得你我都做完！
建议：女人最憎男人「斋TALKING 」，唔声唔声做左先才是英雄，做多无坏，即使自己
搞得掂，女人都钟意男人献殷勤的！
5‧搵日同你去……
女人点解憎：
搵日，通常不会兑现，又信口开河了！
你估我係你D客，「搵日出黎饮茶」咩！
建议：女人记性很好，此等不兑现的小事是她日后炒大鑊的导火线
女人无要求的话，男人切忌自动OFFER，无谓製造机会比人CHALLENGE
6‧得架啦！得架啦！(同类说话：掂架啦！掂架啦)
女人点解憎：
认屎认屁叻，结果错漏百出无样得！
你觉得佢係怕你烦，想塞住你把口，所以吹到天咁大，但其实得鬼！
建议：无希望就无期望，无期望就无失望，实话实说吧！
7‧明啦明啦 (同类说话：係啦係啦、得啦得啦)
女人点解憎：
真係明？其实想我收声至真！
真係明？咁我岩岩讲到边度先？
建议：她在跟你说一些她认为很重要的事，即使你觉得无聊，也请耐心聆听！
在她喋喋不休时紧握她的手，信我，好快收口。
适当时候发问，让她知道你在听；无伤大雅的小事不妨附和，大事情则要纠正。
8‧是但啦
女人点解憎：
无要求，无原则，无性格！你又嫌我烦了！
你寧愿SUFFER任人摆布，我諗我真係好讨你厌，呜……