歌仔有唱，分叉的感情線，分叉究竟係好定衰呢？今次就教你分八大類感情線！
開三叉
最靚感情線
感情線長而良好，長度超過食指與中指之間，而線尾分三叉，代表婚後感獲得幸福與財富。
多下垂支線
亦叫「花心蘿蔔線」，但唔代表一定花心，係因呢類人經常揀來揀去都唔知邊個係理想對象，所以俾人花心的感覺。
紋淺而短
代表追的時候非常熱烈，但感情來得快去也快，在一齊冇耐就會好快變得冷淡。
支線下垂觸及頭腦線
又稱「愛情失望線」，如果在左手，代表第一段感情容易受第三者破壞兼冇結果；如果在右手出現，則代表一生感情患得患失，經常都冇安全感。
觸及頭腦線
另一種「愛情失望線」，經常揀錯對象，例如有夫之婦或有婦之夫、人家男朋友或女朋友，又經常覺得自己的男朋友乜都唔夠好，最後得個桔。
分叉又長
長而紋理良好，長度去到食指中間之下，線尾分叉，代表夠膽付出感情，容易接納對方缺點，而尾部開叉更代表會得到幸福。
向上接近食指基部
線尾到中指及食指之間，屬唔錯的感情線，婚後得到幸福。如分三叉仲好，代表婚後兩人生活甜蜜。
斷截禾蟲
代表對感情唔夠專一，容易同時展開幾段感情，不能取捨，甚至去到結婚的一刻仲諗：「到底嫁俾佢好唔好？」咁的紋，多數出現在女人身上。