（星島日報報道）容祖兒（Joey)前晚聯同關智斌(Kenny)、梁洛施(Isabella)出席在添馬艦舉行的萬人盆菜宴，原來3人均未吃過盆菜，前晚天寒地凍，3人表演完後即食指大動，留在現場和1萬4千名市民共晉盆菜。只是食慣「好」的Joey一度以為盆菜有花膠、鮑魚、髮菜等貴價食品，得知只有豬肉、蝦和蠔豉時，難得仍然食得咁滋味。
廣 告
Joey並自爆近日受「女人之苦」，事關她家中的暖水爐因水壓問題，不但無熱水兼且。細水長流」。她笑道﹕「呢幾日咁凍，個天真係玩我。我有想過唔沖涼，不過費事臭親自己又臭親人﹗我雖然唔係乾淨，但都唔係邋遢。依家好期望後日（11日）去北京，到時有熱水涼沖﹗」
Joey家住跑馬地，提議她何不去鄰近的英皇駿景酒店借房沖涼﹖她聞言反應敏感地說﹕「費事又畀人話我頭髮濕濕出來啦﹗」至於會否索性搬家﹖容祖兒又歎受租約束縛欲搬無從。
Kenny踢爆Isabella乘車去會場時公開揀仔。Kenny笑道﹕「Isabella要拍MV，所以同我一齊揀仔。佢要求高大又要識講英文，揀好多個，包括方中信﹗」被Kenny踢爆的Isabella即時大發嬌嗔，指罵Kenny多口，但有關MV男主角人選，Isabella則堅持要過兩日才會公布。
Kenny並謂終於向經理人Mani成功爭取到3日假期，可能會同朋友去上海或返菲律賓探親。至於Isabella則謂新年期間要去北京為電影《雲水謠》錄音，屆時其母和姐姐則會返澳門度歲。