7大掌丘

掌紋細細條,生向左靠向右可能已經有唔同,教大家簡單睇下掌上的七大掌丘,就可知道这個人係點!

1交際掂水星丘
水星丘飽滿加上尾指長到無名指第一節或以上,代表思想敏捷,頭腦靈活,精於計算,交際手腕圓滑,容易成為一個成功商人,但亦多數生得較矮。

2藝術才華太陽丘
飽滿的太陽丘,加埋無名指及中指較長,代表有藝術才華又貪靚,屬一個天才藝術家,如加上無名指下有一條明顯的垂直掌紋(太陽線),則能靠藝術賺錢。但係亦對伴侶要求高,因此感情容易失敗。

3求知慾土星丘
中指特長加上土星丘脹卜卜,代表為人愛研究神秘事件,係個極度愛諗东西的人,平時沉默寡言,予人神秘且冷靜的感覺,唔會容易俾人睇穿自己諗緊乜。

4有權力木星丘
木星丘飽滿發達,加上食指生得長,代表個人野心大,鍾意控制別人,但亦較容易成為領導階層。

5夠進取火星丘
火星丘分上、下火星丘。上火星丘在頭腦線尾之上,睇抵抗能力,如果掌邊肉圓厚飽滿,更能在逆境掙扎生存。下火星丘代表進攻及爭鬥,位於頭腦線起點以下,肉厚而凸出代表具有侵略性,野心強,勇於進取,缺點係知進不知退,知成不知敗。

6睇情慾金星丘
金星丘位在手指公對下之底部,屬愛心、情慾之丘,生得飽滿再加埋生命線又開又闊的話,難忍冇伴侶在身邊,呢種人會較早拍拖及早婚,但亦易分離。但若配合長大的手指公,中指挺直,則能控制情緒及感情,婚姻亦能長久及美滿。

7愛變化太陰丘
太陰丘在手掌基部近掌邊處,如果肉厚而肥潤,喜愛生活有變化,特別鍾意旅遊,但容易出現情緒毛病,亦難接受一段長久而沉悶的感情。

what is 掌丘?

要怎么看才算是饱满呢?