TOP1怪書的TOP10怪問題
好書推介《WHY DO MEN FELL A SLEEP AFTER SEX?》，畀10個過癮內容你睇。
TOP1 男人做愛後，總撇下女人，呼呼大睡？
不論男女，每次高潮後，身體會分泌大量引致昏睡的荷爾蒙，例如：Prolactin、GABA和Endorhins等，有人認為男性分泌多一點，所以……但女性高潮次數比男性多喎？總結原因，可能係肌肉在做愛後分泌Glycoen引致，而男性肌肉量多一點、做愛主動一點，所以比女人容易睡覺。
TOP2 拔一條白髮，同一個位置會生番兩條？
唔會。三個月後，又係生番一條白頭髮。
TOP3 點解男人唔聽女人講？
用男性腦部測試，當他聽到男人聲音時，腦部影像區活躍起來，但聽女人聲音，「分析複雜聲音區」則較活躍。測試證明男性聲音易變成影像，所以聽得入腦，相反女性聲音要分析，聽唔入腦。
TOP4 食RUM酒蛋糕會唔會醉？
會，不過視乎你焗幾耐。據測試，將半杯Rum酒放入蛋糕內，焗1個小時，約剩下1安士的酒精。
TOP5 點解有腳臭？
腳臭有個好好聽名：「Hyperhidrosis」。腳有30萬個汗腺，特別多汗，而臭味是由細菌引起，據ER的經驗，腳最臭一刻是脫襪一剎，俗稱「毒襪症候群」。
TOP6 狗有無肚臍？
有。不過好難睇到，所以好多人以為狗無肚臍，狗肚臍位於肋骨和盤骨中間位置，只要翻開濃濃皮毛就見到。
TOP7 狗識睇紅綠燈過馬路？
未必。狗雖然無色盲，但牠們比人類少一個Cone（人類有3組），好易經常把紅色和綠色混淆，所以唔係隻隻狗都識睇燈過馬路。
TOP8 動物會唔會有同性戀？
會。動物學家BruseBagemihi話，有證據顯示450種動物都會同性戀，包括吸血蝙蝠、海豚、長頸鹿等。
TOP9 打噴嚏會整停心跳？
會。打噴嚏時，胸部的壓力會改變，影響血液流向心臟，因而改變心臟跳動的速率，但很少會引致心臟停頓。
TOP10 見到太陽會打噴嚏？
呢種係「Photic打噴嚏反應」，Sun-sneezer最危險係飛機，所以美國軍方醫學期刊指出，Sun-sneezer係戰鬥機機師的Riskfactor。
