[b]生活充滿假設。
假設即是「如果」，又即是「憑空想像」。
憑空想像的「問題」，大多數都是無聊或是令人煩惱的。所以，我很少作這些假設。相反，假設的「答案」，則可以助我解決煩惱，令自己一廂情願的想法得到「肯定」。
好深﹖唔明﹖其實咪即係你細細個嘅時侯攞住支花，一路好殘忍咁剥佢嘅花瓣，一路數住「佢愛我、佢唔愛我、佢愛我、佢唔愛我…」咁囉。
仲唔明﹖等我即席示範俾你睇下﹕
- 如果五分鐘內我仲收到的email，我就決定打電話俾你。
- 如果一陣仲有人MSN我，我就即刻收工，番屋企訓覺。
- 如果我聽朝知醒返工，我聽日就死都唔OT。
- 如果下一個入呢個門口的人係男人，就表示我今個禮拜有艷遇。(哈哈!)
- 如果我無俾人抄牌，我下個月一出糧就換埋條"拎"佢。
- 如果我今日打噴嚏，一定係你好掛住我…
- 如果…
有了這些「假設」，我可以得到最理想的答案、輕易地作出一些決擇；滿足了自己的某些慾望。我覺得這種「假設」，是有益身心的。
昨天，我亦為久未露面的你作了一個假設。
我對自己說，如果你愛我，你一定不會再找我。
我，希望這個「假設」是真的。[/b]