時間:十 點 半
地點:學 校 宿 舍
人物:盈 盈 表 姐
上個月,我表姐剛從學校回來,她對我講了一件怪事。
有一天,她和同學上完自習後回到宿舍,那時剛好是晚上
十點半。開始還沒什麼事,但他們中有幾個想講鬼古,我
表姐說不好,但他們不聽。講著講著,突然一陣陰風吹過
,有個同學說:「不如不講了,我有點怕。」「怕什麼,
只是風嘛,又不是鬼。」其中一個同學講到鬼字,突然有
人拍他的臂,他們都怕得兩人一鋪床睡覺了。關燈後,有
四個同學包括我表姐,都見到三男四女在他們宿舍走來走
去。有個女人走到我表姐床邊,邊摸我表姐的臉邊說:「
不如落來陪我們,我們很寂寞,或者一齊玩,也好好玩的
。」他們聽了後好怕,立刻開燈,但開燈後卻什麼都沒有
了。
第二天早上,他們遇到校工,對校工說了昨晚的怪事,校
工對他們說:「你們幹嘛十點半還不睡,而且還講鬼古
你們不知道這學校十年前是墳場嗎你們當中有沒有人是
雙魚座的」「有四個。」其中一個同學回答。「怪不得
。雙魚座的人特別容易與鬼說話,所以鬼有心事都會去找
雙魚座的人。」
聽校工這麼說,她們都先後轉了校。
李終貴按:
雙魚座特別容易惹鬼,我都係第一次聽見。不過終貴相信
有人特別容易撞鬼。其實,如果人想撞鬼,好容易。玩神
打、去墳場玩,都特別容易出事。
終貴細個時聽過一個流傳鄉間o既真實故事。話說順德有個
爛賭二,生平喜歡賭。好奇怪,通常爛賭o既人特別容易撞
鬼,事關十賭九輸,十有九個都係時運低,所以賭親都輸
,亦特別容易撞鬼。有次佢過河,救o左隻女鬼,個女鬼應
承幫佢贏錢。爛賭二有恃無恐,決定一舖過要翻身,贏返
以前輸過o既錢,所以同朋友借,又同大耳窿借,打算盡地
一煲。佢同隻女鬼約定,入到賭場,第一舖賭身家買「大」
。當佢一入到賭場,真係將全副身家買「大」,點知竟然
開「細」。原來隻女鬼見賭場門口有門神,唔敢走入去,
爛賭二即刻返屋企拎把菜刀,大家一定以為佢想自殺,其
實佢係要劈女鬼。隻女鬼畀佢追上山,一直走,成個山頭
都聽到女鬼喊聲。所以話,人怕鬼三分,鬼怕人七分,爛
賭二追到隻女鬼走投無路,隻女鬼於是藏身入蔗林,爛賭
二劈開o的蔗,仲拎o黎食。以後鬼見到佢都走夾唔抖,事關
佢以後變成每晚都要食鬼,而且佢見親都係鬼。